Urdu Poetry Forum

salam , ye meri koi do saal purani nazam hai jisay maine likha tha aaj ap ki khidmat main paish kr raha hoon i hope ap pasand karain ge.
arshad jawaid ( a j ).



"wo boli"
kaha us ne ' zara daikho chand aasman par kaise jagmagaya hai
kaha maine ' ye bhi meri tarha tumhe daikh kar muskuraya hai
kaha us ne ' ye december ki bheegi bheegi shaamain kitni achi hain
kaha maine ' ye tere jal thal jal thal nainon kay jaisi hain
wo kahti hai ' mujhe gehrey neelay samander ka kinara acha lagta hai
main kahta hoon ' mujhe teri mast nazroon ka katara acha lagta hai
wo kahti hai ' khaoo qasam apne dil pe haath rakh kar tum mujhi ko chahte ho
main kahta hoon ' ik muddat se mere pass dil hi kahan hai
wo mujh se poochti hai ' barasti barishon main jism kab sulag se utth tey hain
main kahta hoon ' jab dil par dard e mohobat ki aatisheen barsat hoti hai
wo mujh se poochti hai ' ye shair ' ye nazmain ' ye ghazlain kis k liye likhtey ho
main kahta hoon ' ye mere dil ki sab batain hain tere payar ka sadqa
wo kahti hai ' tum ab meri tareef kion nahi kartey
main kahta hoon ' lagta hai tumne meri nazmoon ko nahi padha
wo kahti hai ' tumhari aankhain ratoon main kion chamak si utth ti hain
main kahta hoon ' in main tere naam ka taara chamakta hai
wo boli ' kia kabhi ratoon main tumhain meri yaad aati hai
main bola ' teri tasweer shaam o seher meri aankhon main rehti hai
wo boli ' zara mere haath ki lakeerain to daikho ye kia kahti hain
main us ka haath choom kar bola ' in main to meri taqdeer likhi hai.!!!

Walikum Asalam

Wah buhat zabardust lkeha hai ap nay

Apni lekhi hoe Urdu POetry poets club main post ki jati hai

main ap ki ye post poets club main move kar raye hun
lekhtay rahye ga or hamaray sath share b kartay rahye ga

khush rahian buhat sa

nice try................

__________________

__________________
main bhi ana parast wo bhi ana parast
phir yon hua ke raste yakja nahen rahe

salam and thnxx asifa malomat ka shukriya mujhe nahi maloom tha kahan post karni chahiye thi isay maine waise bhi ye site new join ki hai aur nazam pasand karne ka bhi shukriya.
arshad jawaid ( a j ).