Urdu Poetry Forum

Suno..!!
Aaj tajdeed-e-wafaa kaa din hai
Laug paiman-e-wafaa baandhein gey
Zara apni kahiyey
Ke kia iraadey hein ?
Aap ko fursat nahi'n, tou koi baat nahi'n!
Aaj kaa din bhi koi khaas nahi'n
Aaj kaa din bhi aam saa din hai..!!!

@};- NainTara @};-

------------------

ana.n !!
saal ke tamam jaltey din
tamam bujhti raatein
hum akaThey guzara kerte hain
taa ke roushni mein kuch qarar miley
taareki mein kuch ujaala miley
kion na choda farveri iss dafa
manaein hum wahan
k maan ki jahan janat hai
baap ki jahan shafqat hai
apno.n ki jahan chahat hai
taa ke dhund chat jaey tamam
be-yaqeeni ki
jo aaena-e-yaqeen ko dhundhlaya kerti hai
bina ansoo hum ko rulaya kerti hai
Aao! hum apni chahton ko
un ke ehsaas ki dehliz per
saja dein
roThey hou.n ko mana lein
apno.n ko phir apna bana lein
rishta-e-chahat ko baqa dein
roThey hou.n ko mana lein
Aao! roThey hou.n ko mana lein

@};- Arzoo_e_tanhaye8 @};-

----------------------

Zindagi ki Dhalti shamo_n mein
khazan ki bikherti barsatoun mein
tajdeed_e_mohabat ka din jab aata tha
to peshani pr meri
bindiya ka taara chamakta tha
tera(13) farveri ki raat poorey bara(12) bajey
tum ik bindiya merey naam kia kertey they
mohabat ko bey_khudi ka ilzaam kia kertey they
apney sab ehsaas
merey naam kia kertey they
yaad hai tumhey kuch k aik dafa
maathey pr bindiya saja kr
dil mein ik armaan chupa kr
mein ney poocha tha tum sey
hir saal jo tum
mjhey ik bindiya dia kertey ho
andher jeevan mein roushan
ik dia kia kertey ho
do gey mein jo mangon ab k kuch aur??

tou barri mohabat sey kaha tha tum ney
haan bolo janan!!
khawaboun ka chand mango
k mujhey hisar_e_chandeni miley
tabeer_E_khawab_e_is hq ki raagani miley
ehsaas_e_souch mango
k zindagi_e_shaour ka aaftab chamkey
vajad_e_sakoon ka maahtaab nikley
ilfaz mango,baat mango
ya lehja_e_jazbaat mango
iqraar mango,inkaar mango
ya hir janam ka saath mango
yaqeen mango,guman mango
ya mujh sey mera imaan mango
chahat ki dhanak mango,taaron ki mehak mango
ya pholoun sey unki chamak mango
aasmaan ki shafaq mango,nerm dhoop ki kasak mango
ya barish ki gungunahat mango

mango kuch bhi k tmhey qarar mily
apney azaaboun sey mujhey farar miley
baat tumhari sun kr
barrey maan sey
shaaney pr tumhary rukh sar kr
kaha tha mein ney
phool chahey, na sitara
haqeeqat chahey,na isteaara
yaadoun ka khawab sahara,
na chand dulara
imaan chahey na guman tumhara
inkaar chahey, na chand pal ka
iqraar hamara
sahil chahey na koi kinara
gar ho sakey to
apni zaat k dukh mujhey sounp do
apni rooh ka karab mujhey nawaz do
khamosh naghma_e_azaab ko ab
koi saaz do

woo din aur aaj ka din
iqraar_e_mohabat k
jaaney kitney mousam guzer gaey
kitney hi maah_o_saal guzer gaey
bindiya mili, na hi nindiya mili
na teri saraab hansi vali sooratia mili
azaab mila na jalti baarishoun ka
Sahaab mila
apna sukh mila, na hi tera dukh
sukh mila na dukh.....

@};- ZiNdAgIe @};-

------------------------------

EHD E WAFA KIYA HUM NE

Ye din hai yaadoon ka, sunehrey sapnoon ka, hasee khawaboon ka
Aaj maat ker shikwey giley udas baatoon ko

Phool tou sari duniya deti hai aaj k din
aoo aghaz karein hum es din ka shukraney k nafal se

Katthan rastey aye ya tofaan hum ne hanse kar chalna hai in rastoon par
kantey chub jayane se duniya rooti hai hum ne hanse kar guzarna hai in par

hum ne ehad kiya hai her haal main khush rehne ka
Chhooti si zindagi main her dukh ko hanse kar sehna hai

tum muje se khush ho main tum se khush hoon
parshan haal duniya kiyun rooti hai phir

samjoota hai hamara her cheez muqader main nahi hoti
Phir kisis kaami ko betth kar kiyun rooyein hum

Shukar hai rab ka hum ko dekh kar khush
Ye duniya hiraan hoti hai sharminda hoti hai

hum ne khuwab dekhey hein aik dusarey k liye
In ko paya e takmeel tak le kar janey ka

Ye he hai ehd e wafa apna

@};- Gull awais @};-

--------------------------------

MUHABBAT KER NAHI SAKTI....
MAIN MUHABBAT KAR TO LOUN LAKIN

TUM JO KEHTAY HO...
SARDIYON KI SHADEED SARD RATOON MAIN

TAROON MAIN ROSHINI PERTAY HI

SAWAN KI MAST RATOON MAIN

JAB BARISH KI BOUNDAIN IK TAWATUR SAY

BAND KAMRAY KAY BAHAR GIRTI HOON

CHAMKILEI CHANDNI RATAIN

JAB APNA DODHYA ANCHAL PHELA DEIN

AISAY JAN LEVA LAMHOON MAIN

CHAT PER NANGAY PAOON

MAIN JAB TUM SAY MILNAY AAON

MOUSAM KI... DOSTOON KI

RAT JAGON KAY AZABOON KI

INTIZAR KAY SAFAR KI

DIL MAIN TOOFAN UTHATAY ISS JAZBAY KI

JIS NAY MUJH KO TUM SAY BANDHAY RAKKHA...

KOI BAAT NA KAROON

BASS JO TUM CHA HO... TUMHAIN WO KARNAY DOON

MAFF KARNA... JAANAA'N

MAIN MUHABBAT KAR NAHIN SAKTI

KYUN KEH !!!

MAIN YE SAB KAR NAHIN SAKTI

@};- ZAIB-UN-NISA - ZAIB @};-

Originally Posted by NainTara Asma yeh meri nazm ...thanx Fahad .. aap kay img ki waja sey ab achi lag rahi hai ...