Urdu Poetry Forum

TUM KAHAN KHOYE HO? Awaz Do Mujhe


Tanhai k safar ka Aghaz
Ye tery na honey ka ehsas
kya batain jaana

Tareek shab k Andheroo.n ka jhund
Mujhey dhoondhti rehti hain
or main Tujhe paleney ki neem jaan umeedoo.n ke zoo main
chup jata hon

Meri mohabbat k mehal main
judai ki dararain barhti jarahi hain
or es pe weraa.n hojaney ka khof phelati hui
khizaa.n ka mausam
Teri mohabat ke nazuk phool ki patiyoo.n ki ragoo.n ko
Judai k mumkina ehsaas se banjar karti rehti hai
Tum kahan khoye ho?Awaz do mujhey
Es se pehly k
Apna sabr kho ker main her khushi se anjaa.n ho jao.n
Jala ker chaman apna khud, Ap heraa.n ho jao.n
Tum kahan khoye ho? Awaz do mujhey.............. .

Tum janti ho na
Main har saans se pehly
Tumhari mohabbat ki khusbu pe jeeta hon
Tum kahan khoye ho? Awaz do mujhey
Es se pehly k
Zindagi se harjao tum, main armaan hojao.n
Dafan dil main tery ho ker mayoos pehchaa.n hojao.n
Mujhey phir zindagi bakhsho
Mujhey na tootney dena
be reham es duniya ko
meri khusya.n na lutney dena................

Aao kahee.n door ja k hum
nai duniya basain khud
Main ab bhi zinda hoo.n
jan ab bhi moka hai
warna es wehshat bhari duniya main
Baki sub dhoka hai
Tum kahan khoye ho?
Awaz do mujhey..............

__________________
( Saqib Sahili )

Jo bhi hai magar kyun hai, ek bar bata dey
Mery pas tery na hone ka koi to sabab ho

__________________

__________________
Signature Removed - Image exceeds 650 px by 350 px

bohat khoob sohail sahab aap k her lafz main aap k jazbat numaya hain isi tarha likhye aur share karye
apna khayal rakhyega

thanks angelhere ji hamari nazm parhne ka or pasand krne ka

hamari nazm parhne ka shukriya zain sahab, mashq-e-sukhan bhi hai dard bhi hai tanhai bhi koshish jari hai


parhtey rahiye Atey rahiye

janab ye sohail sahab ki thread parh kr yahan reply ki ghalti se ya phir hamara nam itna mushkil tha parh k b yad na hua? lol just kidding

waise ye nazm jin sahab ne likhi unka nam Saqib hai. thanks for reading and appreciating yun hi Atey rahiye or hosla afzai se mehfil sajatey rahiye

bohat bohat mazrat saqib sahab ghalti se sohail sahab likhdiya donoun ki sath hi parhi thin islye idhar udhar hugay naam aik bar phir mazrat ainda khayal rahega saqib sahili sahab wese nazam bohat khoob rahi.
apna khayal rahega umeed hai ainda bhi apki kawishat parhte rahenge

Arey janab hamara maqsad hargiz nahi tha k Ap mazrat krain, was just kidding Ap hamare thread main Aaye hamari nazm parhi pasnd ki uska bhuat shukriya. yun hi Ate rahiye or Apni Aaara se agah karte rahiye. bhuat shukriya