Urdu Poetry Forum

**zain** · #1 09-09-2006, 04:23 AM

ASLAAM -O-ALEKUM,
Dosto is maah ke MUQAABALA-E-NAZAM GOYI ke saath haazir hoon,
yoon to is muqaabala ka ineqaad 5 September ko hona tha,lekin chand na guzeer wajuhaat ki binaa par thori si taakheer se shuru ho raha hai,jis ke liye main HG Intazaamiyaan ki tarf se ma.azarat khawaa hoon,aor umeed karta hoon ke aap faraagh dilli ka saboot dete huwe mehsoos naheen karain ge,

to Dosto is maah nazam goyi ke liye jo UNWAAN muntakhib kiya gaya hai,wo hai......

MUHABBAT

jesa ke sab jaante hain ke MUHABBAT ke bahot se andaaz aor bahot si shklain hoti hain,so aap muhabbat ke kissi bhi andaaz/rukh par likh sakte hain,

is muqaabale ke liye asool-o-zawaabat wohi hon ge,jo pehle the,yehni ke.....

1) nazam aap ki apni likhi huyi honi chaahiye,kissi aor ki likhi huyi nazam qaabal-e-qabool naheen ho gi,
2) aek member aek hi takhleeq post kar sakta hai,aek se ziyada nazmain post karne ki soorat main sirf pehli post karda nazam hi muqaabale main shaamil ki jaaye gi,
3) aap apni kaawashaat 25 SEPTEMBER tak post kar sakte hain,us ke ba.ad post karda koyi bhi nazam muqaabale main shaamil naheen ki jaaye gi,

Ye thread 25 September tak open rahay ga, uss k ba'ad issko close ker kay tamam sharing Judges k panel k samnay rakhi jayeINgi ... aur un judges ki evaluation ki buniyad per winner ka tayyun hoga..

umeed ki jaati hai ke is baar bhi tamaam saathi apne bahot hi khoobsurat kalaam se nawaazate huwe is muqaabale ko kaamyaab banaayain ge,

so jaldi kijiye,kaaghaz,qalam sanbhaaliye,aor aek adad bahot khoobsurat si nazam likhna shuru kijiye,hamain aap ki takhliqaat ka intazaar rahe ga,
bahot khush rahiye,
HallaGulla Intazaamiyaan.

**rida jabeen** · #2 09-09-2006, 09:09 PM

walaikum asslam waaaah janab bohut hi khub soorat mozo ka intekhaab kiya
hai aap ne mohabbat aaaaaaaaah is ka naam honton se ada karne se hi
moonh main chanshni si ghul jaati hai
umeed hai k is baar bhi bohut si khub soorat nazmein parhne ko
mil sakein gi FE AMMAN ALLAh

**Flimsy** · #3 09-10-2006, 07:17 AM

hmmm acha topic hay.....
i will try ke koi achi si nazam likhoon

**~*Anonymous*~** · #4 09-10-2006, 04:47 PM

bohot hi acha topic hai shayd is dafa mein bhi kuch share ker doon

lekin phir bghi

derr lagta hai

**kanch ki mehroo** · #5 09-10-2006, 08:40 PM

wut a beautiful topic...

shabash uncle

...

ab to mera bhi dil chah raha hai ke is topic par kuch na kuch likh chorooN

**khaiyaal** · #6 09-11-2006, 10:14 AM

Well haare or phir aa gai ke chalo kuch seekhne ko too milta hai

CHAHAT KI EK DOORI

Zindagi badalti hai

Chahatain badalti hain

Loog bhi badalte hain

Per,aik shaks tha

Maire dil mai rehta tha

Dharkanoo mai busta tha

Mai bun kar chalakta tha

Sur ke saare sazoon mai

Ahsas uska hota tha

Paas jub ke aata tha

Dil mai khatak si hoti thi

Dharkanain si rukti theen

Chahat ki ek doori

Phir se banti rehti thi

Aaina bhi hota tha

Saamne mai hoti thi

Baal sanwaar kar apne mai

joora sa kus laite thi

Laal laal honton ko mai

Surkhi se kar laiti thi

Halka halka kaajal mai

Ankhoon mai bhar laiti thi

Payail pehen kar paoon mai

Mai chun chun karti rehti thi

Khawahish bhi mairi tb

khawahish na rehti thi

Go ke socha karti thi

Rasta mai rokoon gi

Hath ho ga haathon mai

Tub mai us se keh doon gi

Chaahat ki ek doori

Doori aik chahat ki

ub ke bandh daloon gi

**~*Anonymous*~** · #7 09-11-2006, 05:13 PM

bohot khoob

itna acha likha hai k yaqeenan is baar haarne k imkaan nahin hain

aur haar se dara na karen qk usi se to hum seekhte bhi hain

bohot si daad qubool karen..

**pessimist** · #8 09-11-2006, 05:45 PM

waqi bohat khoob likha hai aaap nain khaiyal

Urdu Poetry Forum

Muqaabala-e-nazam goyi baraaye SEPTEMBER 2006

Muqaabala-e-nazam goyi baraaye SEPTEMBER 2006