Urdu Poetry Forum

Assalam-o-alaikum,
Apni aik aur ghazal aap tamam doston ki khidmat mein pesh kar raha houn aapki qeemti aa'ra aur tabsiron ka intezar rahay ga.

Kisi gurez kay rastay koyee farar ki raah
chalain ab hum bhi kisi ajnabi dayar ki raah

woh ratjagay houn, Ibadat ho, duniyadaari ho
kisi tarah say tu niklay kaoyee qarar ki raah

ab ashk aankhon say be-ikhtiar behtay hain
chalaya hum nay buhat khud ko ikhtiar ki raah

tumharay baad bhataknay kay raastay hain buhat
magar naheen hai yeh hum say wafa shuar ki raah

fana kay baad tu aakhir milain gay phir tum say
isi umeed pay chaltay hain intezar ki raah

taweel daasta'n sunnay ka ab hai waqt kisay
Anis hum nay bhi dhoondi hai ikhtesar ki raah

Anis Hasan

walikum Asalam..

Anis bhai... lafz nahiN haiN tareef karnay k liye... samajh nahiN pa rahi konsa shair qoute karooN.. har shair lajawab hai... din bhar ki thakwat utar gai...

bohat khush rahiye...

__________________
Signature Removed - Image exceeds 650 px by 350 px

Anees Bhai

pehlay to boht si daad qabooliay sari ghazal kay liay aor phir zara khasoosi daad is she'ar ki nazar

tumharay baad bhataknay kay raastay hain buhat
magar naheen hai yeh hum say wafa shuar ki raah

boht umda

khush rahiay

azam

__________________
@};- Please update your Signature : Administrator HallaGulla

woh ratjagay houn, Ibadat ho, duniyadaari ho
kisi tarah say tu niklay kaoyee qarar ki raah

ab ashk aankhon say be-ikhtiar behtay hain
chalaya hum nay buhat khud ko ikhtiar ki raah

Wahhhhhh....Anis Bhai......bohot achchi ghazal hai....sach poochye to is ghazal main ja baja aap ki zindagi ki asl tragedy (jiska tazkira aap ne ek baar is nacheez se kia tha) ki jhalak nazar aati hai.....ehsaasat ko aap ne kamal khoobi se alfaz main samo dia hai...be akhtiar daad dene ko ji chahta hai....meri naqis aql ke mutaqiq is main jazbon ki sadaqat ko bhi bara dakhal hota hai....jabhi asar afreeni paida hoti hai...baqol-e-Iqbal

Dil se jo baat nikalti hai asar rakhti hai
Par nahiN taqat-e-parwaz magar rakhti hai

Aap ki ye ghazal kuch aisi aap ke dil se nikli hai ke teer ki tarah aa ker hamare dil ko lagi hai aur ander tak utar gai hai. Daad kia doon, mubarak baad dene ko ji chahta hai, so bohot mubarak ho itni khubsoorat takhleeq per

__________________
******************** ******************** ****
Adaab teri bazm ke jeenay nahiN daitay
DeewanoN ko jeenay ki tamanna to baRi hay
(Qabil Ajmeri)

Mehroo behan,
Itni ziyada taareef aur daad ka buhat shukriya.

Anis Hasan

Mohtaram Azam saheb,

Ghazal ki pazeerai par aap ka behud mamnoon houn.

Anis Hasan

Saraabs bhai ghazal mein maujood meray jazbbat aur ehsaasat ko usi hasaasiyat say aap nay mehsoos kiya hai jabhi yeh ghazal aap kay dil ko lagi. Aap ki daad aur tehseen ka bihat shukriya.

Anis Hasan

Bohat umdaah Ghazal kahi hai aap ne Anis bhaee


dil khush ho gaya hai perh ker


khush rehiya

__________________
Signature Removed - Only One Image is Allowed



Tu Aik Image Remove Ker Daitay Poora Signature Q Remove Ker diya

excellent........... ............