Urdu Poetry Forum

**kanwal Hussain** · #11 09-23-2007, 07:45 PM

wahh ji khob share kia aap ne is baar bhi hamesha ki trah shandaar
ghabra k main aaj phir se Faizan
pehlu se khud apny aa laga huN.
bohat khush rahin

**WanderingThoughts** · #12 09-25-2007, 07:36 AM

Quote:

Originally Posted by withlove

jana tha kahee'n pe mujh ko leiken
saaman-e-safar se gir gaya hon..

wahhh... behad khoob.. janab-e-Faizan.. umdah ghazal hai .. muddat baad aap ka likha parh ker lutaf aa gaya.. silsila jari rakhiye ga.. dhairo'n daad-o-mubarakbaad hamari janib se qabool kijiye..

wafa aur dua ke saath
withlove

withlove ji ap ka mamnun huN k aap ne waqt nikala aur is haqeer si kawish ko paRha aur saraha... nawazish hy ap ki... ji ager ap ki janib se dua ka silsila jari rahy to ye silsila bhi chalta rahy ga...

Allah Mola aap ko shaad-o-aabad rakhy...

**WanderingThoughts** · #13 09-25-2007, 07:46 AM

Quote:

Originally Posted by qamar94

faizan ji salaam ... kaise hain aap....
acho ghazal kahi aap ne .. muje us din ka intezaar rahe ga jis din aap apni zaat ke hassar se nikal kar qainaat ke mukhtalif taghuraat ko apni shairi ka mahiyaar banayeen gay ...
aap ka mukhlis
irshad qamar
ei sheer deekheen

ab saara asmaan meri dastras mein hai
nazreen utha kissi bi sitare ki baat kar

wa-alaikum-as-salam qamar sahab,

Allah ka baRa karam hy maiN khayriat se huN... umeed hy aap bhi Allah k fazl se thek hoN gy...

jnab ghazal ki pasandeedgi k liay tah-e-dil se mamnun huN... ap ne zaat k hisar se nikalny ki taraf ishara kiya, to jnab jab se kuch hosh sambhala hy isi hisaar se nikalny ki tag-o-do meiN huN, mager wo kya hy k la-parwahi meiN is qadar ander chalta chala gya k ab wapsi ka safar khasa kaThin aur taweel nazer aa raha hy, mager yaqeenan safar zaat se bahir ki samt hi hy, ap ki dua'eiN shamil-e-haal rahiN to inshaAllah zuroor is hisar se bahir aaoN ga. so jab tak bahar ki aainat tak rasaei nahi hy, ander ki kaeinaat k bary meiN hi kuch na kuch kehna paRy ga.

khubsurat shir enayat krny ka be-had shukriya. khush raheN, aabad raheN...

**WanderingThoughts** · #14 09-25-2007, 07:50 AM

Quote:

Originally Posted by dua_e_sehar

aachi gazal kahi faizan bahi aap ne

sehar behna ap ka bohat shukriya k ap ne ghazal paRhi aur pasand bhi ki...

Allah Mola aap ko hmaisha shaad-o-aabad rakhy....

**WanderingThoughts** · #15 09-25-2007, 08:02 AM

Quote:

Originally Posted by Sunehri

chaho to mujhe saja lo dil per
hoon daag mager mein khush numa hoon

mehhooz houn ub khushi k haathoun
aagoush mein gham ki aa gaya hon

buhat khoob WT .................... .. kafi arse baad aap ne share ki acha laga ................. keep sharing .................... ... but not tht much late

aahaN!!! sunehri ne bhi ghazal paRhi hy....

mujhy bohat khushi hy k aap ne isy paRha aur pasand kiya... ji, share krta rahuN ga aur jald hi share krta rahuN ga. ghazal pasand krny ka aik bar phir bohat shukriya.

khush raheN, aabad raheN....

**WanderingThoughts** · #16 09-25-2007, 08:08 AM

Quote:

Originally Posted by Saraabs

jana tha kaheeN pe mujh ko lekin
saman-e-safar se gir gaya hooN

manga tha Khuda se khud ko maiN ne
daman maiN kisi ke a giraa hooN

chaho to mujhe saja lo dil par
hooN dagh magar maiN khush numa hooN

Wah...Faizan Bhai...wah kia baat hai...bohot hi umda..behad haseen...dheron daad qubool kijye

saraabs sahab ap ka bhi bohat bohat shukriya k aap ne apny qeemti waqt mein se kuch pal is haqeer si kawish k liay nikaaly aur isy pasand bhi kiya... ap jesy acha likhny waloN ki hosla afzaei hi aagy baRhny ka hosla aur jur'at ata karti hy....

Allah Mola aap ko shaad-o-aabad rakhy.....

**WanderingThoughts** · #17 09-25-2007, 08:22 AM

Quote:

Originally Posted by Shehr-e-Wafa

eik baar phir eik umdah ghazal k saath aapki aamad bhali maloom hui..
tamam ashar hi qabil-e-tehseen hain .. daad qubool kijiye
khush rahiye sadaa

Jharna sahiba ap ka bhi bohat shukriya k ap ne is gahzal k liay waqt nikala aur isy sraha...

Allah Mola aap ko shaad-o-aabad rakhy....

Urdu Poetry Forum

manind-e-shajar hara bhara huN

manind-e-shajar hara bhara huN