Urdu Poetry Forum

**WanderingThoughts** · #21 10-10-2006, 05:52 AM

Quote:

Originally Posted by SAGARKHAN

Achii Ghazal Kahii Bhaii@};-

pasandeedgi ka bohat shukriya Sager bhai...!!!

**Haya n** · #22 10-10-2006, 04:56 PM

Aap Ki Yeh Khoobsurat Ghazal Mai'n Nay Kal Read Ki Thi But Reply Nahi Likh Saki Thi... Abhi Online Hui To Again Read Ki Hay... Masha Allah Bouhat Umda Ghazal Likhi Hay....Aap Ka Likha Jab Bhi Read Kiya Bouhat Mutasir Hui...Mairi Taraf Say Is Behtreen Ghazal Kay Liye Bouhat Daad Qubool Kijiye...

**Faisal Husain** · #23 10-10-2006, 06:03 PM

Quote:

Originally Posted by WanderingThoughts

Dosto aik bar phir aik adad ghazal k sath hazir huN... waqt k lehaz se kuch purani hy lekin aap k li'ay nai hi hy... so parhi'ay aur apni ra'ay se nawazi'ay...

======
in roman
======

Mahabat aazmany k dinoN maiN
koi rutha manany k dinoN maiN

mujhy lagta hy maiN zinda rahuN ga
usi beety zamany k dinoN maiN

ye kesi kashma'kash maiN hy mera dil
usy apna banany k dinoN maiN

mujhy masrufiat maiN yad rakhy
na bholy bhool jany k dinoN maiN

in aankhoN maiN nami kyuN phailti hy
wafaiN gungunany k dinoN maiN

wo sookhy phool chunta ja raha hy
na'ay guldaaN sajany k dinoN maiN

purany ehd kyuN yaad aa rahy haiN
na'ay waady nibhany k dinoN maiN

pryshaN chand kis ki khoj maiN hy
chamakny jagmagany k dinoN maiN

tawaju shart hy Faizan her dam
kisi ko bhool jany k dinoN maiN

============

Allah Mola ap sab ko apny hifz-o-aman maiN rakhy.

ap k comments ka muntzir....

Faizan Ahmad.

purany ehd kyuN yaad aa rahy haiN
na'ay waady nibhany k dinoN maiN

bhai faizan bahut achii ghazal likhi aapne ..bahut daad qubool kiijiye.....bas aapke liye yahi sher kah sakta hoon

"yun to haseen log bhee mehfil mein hain magar
chehra ussi ka hai kad-o-kamad ussi ki hai'

likhte rahiye ke kya khoob likhte hain.....

**mahboobodu** · #24 10-11-2006, 08:45 AM

Quote:

Originally Posted by Faisal Husain

tawaju shart hy Faizan her dam

kisi ko bhool jany k dinoN maiN

Faizan sahab... Bahut hi khoobsoorat ghazal kahi hai aapne. Radayef ki tarkeeb kuch aisi lagayi hai ke har ek sher khoob se khoob tar ho gaya hai!
Bahut khoob! Hamari taraf se dili daad qubool farmayein!
Khush rahiye
Mahboob

**zain** · #25 10-11-2006, 03:29 PM

bahot khoob Faizan bhahi,aek zabardast,khoobsurat aor mukamal ghazal kahi aap ne,jisse bahot baar par chuka hoon,lekin badqismati se waqt na hone ki wajah se reply na kar saka tha,so ab haazir hoon,daad o tehseen ke bahot se tokre liye,........so thori si takleef kijiye,in ko qabool karne ki,
bahot khush rahiye,aor likhte rahiye ke be had achha likhte hain aap,

**Ejaz Shakir** · #26 10-11-2006, 05:23 PM