Urdu Poetry Forum

**zain** · #31 07-19-2006, 03:34 PM

Quote:

Originally Posted by Karb

Asalam O Alaikum...

Oh ager ye baat hai to i apologize ke mene bother kia aapko
actually uspe aik misre par baat howi thi....to mene socha ke kahin kisi ko laga ke mene kuch ghalat likh di ahai is liye dlt howi.....mujhe andaza nahi tha ke puri new thread hai......

WA ALEKUM AS ASLAM,
ji main ne pari thi wo post,....lekin aap itmenaan rakhain ke is tarah se kissi ki bhi post ko dlt naheen kiya jata yahaan,...
bahr haal agar aap chaahain to dobara se apne commentes de sakti hain,:0
bahot khush rahiye.

**zain** · #32 07-19-2006, 03:42 PM

Quote:

Originally Posted by duaa1

Zaini Bhai Hamesha ki tarah aik Umdah ghazal kahi hay

Ab na ankhoon main nami aii na dil hi tarpa
Gham jo iss baar Mila Naz juda lagta hay

Zain bhai sab shair hi class k the magar is shair ne balay balay kardi
Sedha thah kar k laga aur waqiay Juda sa laga
Buhat khush rahiay aur isi tarah se hamen apne kalam sunate rahiay

bahot bahot shukriya Mehtab bhahi,yeh sab aap ki nazar ka kamaal hai,jis ne zarre ko aaftaab bana diya,aor kuchh naheen,
aap ki is muhabat ke liye be had mashkoor hoon,
bahot khush rahiye,

**zain** · #33 07-19-2006, 03:52 PM

Quote:

Originally Posted by WanderingThoughts

Ji Zain! ab lutf aaya na matly ka.... bohat acha ho gya hy....

wsey to abhi bhi aik lafz ko improve kya ja sakta hy.... (koi ki jaga Shakhs laga dain to matla mzeid nikhar ja'y ga, but ye mera khyaal hy, zururi nahi aap ya koi aur is se mutafiq hoN)

baki ghazal to achi hy magar 2nd last sher main Masheeat'e Aaizdi aap ne correct use kia hy ya nahi, ye bat mujhy confuse kr rahi hy.....

plz bta dain.....

bahot bahot shukriya Faizan,ke aap ko ghazal pasand aayi,
ji haan bilkul darust farmaya aap ne,chalain aap ki baat maanate huye "koyi" ko "shakhs" se badal dete hain,
achhi nishaandahi karaai aap ne,yehaan asal main main phir ghalti kar gaya hoon,mujhe likhna tha "mashiyat-e-rabbi" lekin rawaani main "mashiyat-e-aezdi" likh gaya,mamnoon hoon ke aap ne is ghalti ki nishaandahi kar di,
aek baar phir mamnoon hoon ke aap ne is tehreer ko itni tawaja se para,aor apni qeemati aara se nawaaza,
umeed karta hoon ke aap aainda bhi apni besh qadar aara se nawaazate rahain ge,
bahot khush rahiye,

**zain** · #34 07-19-2006, 03:56 PM

Quote:

Originally Posted by primitive

boht khoob ishtiaq sahab
kis khoobi say dill ki chubhan ko
kaghaz per utara hay
keh har shakhs ko apni hi kahani lagti hay
jaansooz mehroomi nainsafi ka dukh
kawash e raigaan ka mallal
kia kuch nahin is main :0
kush raheay

bahot bahot shukriya janaab,ke aap ne is be wuq.at tehreer ko itni tajah se para,aor apni besh qeemat aara se nawaza,
aap bhi bahot khush rahiye.

**zain** · #35 07-19-2006, 03:58 PM

Quote:

Originally Posted by abbi1602

very nice ......... keep sharing

bahot bahot shukriya janaab,ghazal pasand farmaai aap ne,is ke liye be had mamnoon hoon,
aap ki aara ka aainda bhi intazaar rahe ga,
bahot khush rahiye.

**do-or-die** · #36 07-20-2006, 02:50 AM

roman urdu ..............plzzzz zzzzzzzzzzzzzzzzzzzz zzzzzzzzzzzzzzzzzzzz zzzzzzzz
@};-

**zain** · #37 07-20-2006, 03:24 AM

Quote:

Originally Posted by do-or-die

roman urdu ..............plzzzz zzzzzzzzzzzzzzzzzzzz zzzzzzzzzzzzzzzzzzzz zzzzzzzz
@};-

bahot ma.azarat chahata hoon,is baar phir se bhool gaya,
lijiye aap ke liye roman main likh deta hoon,

khud se bezaar,zamaane se khafa lagta hai
farz ke bojh se har shakhs daba lagta hai

hai ye logon ka chalan,ya ke zamaane ki hawa
jis ko dekho, wohi pehle se juda lagta hai

hai ye bimaar baseerat ka karishma yaaro
rehzan-e-shehar jo ab raah numa lagta hai

ham ne samjha tha muhabat ka payambar tujh ko
haath tere main to khanjar sa daba lagta hai

ab na pehli si chubhan hai,na janooN khezi hai
dil bhi kooche se tere aaj uthha lagta hai

rang badla huwa lagta hai zamaane bhar ka
chashm-e-saaqi main bhi shikwa sa chupa lagta hai

wo bazaahir to mera dost hai,hamdam hai mera
us ki baaton main magar zehar ghula lagta hai

hain zamaane ke sitam,ya ke mashiyat rabbi
apni barbaadi pe chup chaap KHUDA lagta hai

ab ke aankhon main nami aayi, na dil hi tarpa
gham jo is baar mila,NAZ juda lagta hai.

bahot khush rahiye.