Urdu Poetry Forum

kaun jaane!

shaihr kitnaa jalaa ho, kaun jaane!
kahiin koi bachaa ho, kaun jaane!

raheN ham is shaihr men - aur tum bhi
yeh kiskaa faisalaa ho, kaun jaane!

nazar milte hi uThTi hai yeh daihshat
voh kya kuchh jaanta ho, kaun jaane!

nahiin tha bazm men yeh theek hai par
woh aana chahtaa ho, kaun jaane!

na kar toofaan par itnaa bharosaa
kahiin woh khushnumaa ho, kaun jaane!

banaa kar kah rahaa hai who nasiihat
hamaaraa vaaqi'aa ho, kaun jaane!

abhi to shaakh par hi tha parindaa
udaa ho ya giraa ho, kaun jaane!

woh mujh se mashwiraah le to rahaa hai
magar kya sochtaa ho, kaun jaane!

sunaayaa mujh ko jo kuchh aa'ine ne
use kis ne kahaa ho, kaun jaane!

bhalaa ab aasmaan naapenge kaise?
yeh paunaa ho, sawaa ho, kaun jaane!

use mujh se, miri har baat se hai
mujhe kis se gilaa ho, kaun jaane!

kisi ki aankh se yarqaan ud kar
bahaaron par lagaa ho, kaun jaane!

baseerat kar rahaa hai ham sabhoN ki
woh khud kitnaa bhalaa ho, kaun jaane!

kahiin yeh shaikh ki aaraa'ishoN se,
khudaa ghabraa gayaa ho, kaun jaane!

zamaanoN tak takii hai raah jis ki
use kuchh ho gayaa ho, kaun jaane!

likha tha naam, phir rad bhi kiyaa tha
dobaara kyun likha ho, kaun jaane!.

chalo hogi sazaa roz-e-qayaamat
magar kaisi sazaa ho, kaun jaane!

k~^s))

/aoa

Umer jee Apko Hg per KhushAmdeed @};-


Achi nazam hai apki " Kaun Janay " @};-


....apko thora sa batati chaloon ...k yeh jo section hai Cefe yahan hum members say wo nazmain yah ghazlain share kernay ki tawaqu kertay hain jin main unko islah yah kisi tabsaray ki zarorat ho .....

Wesay aam tor per sab apni shaeri poetsClub main hi share kertay hain @};-

Ap ko agar islah chaheay apni nazam main aur chahtay hain k koi unki nishandahi karay to aap iska izhaar apnay message main karain to Cefe main apko her mumkin madad milay gi @};-

__________________
Signature Removed - Unable to load the image