Urdu Poetry Forum

**shazlay** · #21 10-30-2007, 04:40 PM

aoa faizan bhai hru?
apki kaviksh read ki ore beikhtiar dil nay kaha vv nice buhat acha laga andazay biyan alfaz ka chunao simple sa per dilkash sa buhat si daad qabool keray
b happy.

**WanderingThoughts** · #22 10-31-2007, 06:30 PM

Quote:

Originally Posted by Saraabs

Walaykum Assalam, Faizan Bhai, itni shandar ghazal is nacheez ki nazr karne per tah-e-dil se shukr guzaar hoon. Sachchi baat to ye hai ke main khud bhi hairan reh gaya hoon aur behad maza araha hai. Aisa lagta hai ke ek hi ghazal continue hogai ho. Lekin janab, kia hi baat hai aap k kahe ash'aar ki. Matla to sab hi se ziada pasand aya.

juz tark-e-ta'aluq koi chara bhi nahiN tha
bin us k mager apna guzara bhi nahiN tha

Wahhhhh....kia baat hai...bohot umda

daa'way to sabhi ko thy wafadari k lekin,
ham dooby to tinkay ka sahara bhi nahiN tha

bohot aala janab....bohot hi khoob kaha

Poori ghazal hi bohot khoob rahi....dheron daad is ki nazr hai

saraabz bhai, aap ko ye ghazal pasnad aaei aur ap ne isy sraha, is k liay ap ka mamnun huN.... waqaei aap ne durust kaha k ap wali ghazal aur ye ghazal aik hi continuation lagti hy. ghazal pasand krny ka aik bar phir bohat shukriya.

Allah Mola aap ko shaad-o-aabad rakhy....

**WanderingThoughts** · #23 10-31-2007, 06:59 PM

Quote:

Originally Posted by dua_e_sehar

very nice .................... .faizan bahi bohat hi aachi gazal kahi aap ne

shear sahiba aap ka bohat shukriya k ap ne nazm paRhi aur isy pasand kiya... Allah Mola aap ko shaad-o-aabad rakhy....

**~ HijR ~** · #24 10-31-2007, 11:45 PM

Quote:

Originally Posted by WanderingThoughts

as-salam-o-alaikum dosto,

aik bar phir ap ki khidmat meiN aik ghazal k sath hazir huN... aur ye gahzal apny piyary dost aur is mehfil k bohat umda aur senior poet Saraabs bhai ki nazr krta huN... aaj in ki gahzal paRhi to hairan reh gya k isi radeef k sath maiN ne bhi aik ghazal kuch roz pehly kahi thi (go k maiN in ka asl nam nahi janta, mager in k kalaam meiN in ki shakhsiat ka rang jhalakta hy aur mujhy ye rang bohat acha laga hy...)

to jnab, ghazal hazir hy...

juz tark-e-ta'aluq koi chara bhi nahiN tha
bin us k mager apna guzara bhi nahiN tha

daa'way to sabhi ko thy wafadari k lekin,
ham dooby to tinkay ka sahara bhi nahiN tha.

lamhaat-e-firaaq aa'ay khaRy thy kyuN abhi se,
ham ne to abhi waqt guzara bhi nahi tha

duniya se to khair apna gila hi nahiN banta,
is dil ko mager ranj tumhara bhi nahiN tha

faizan meiN dil khol k rakhta, to kis aagy?

yaaN mujh sa koi dard ka mara bhi nahiN tha

Wah
Faizan Bro
bOhet Hii Umda
Really Bohet Achi Ghazal Kahi Aap Nay Maza Aa Gya Parh Kay
Aik Aik Shair Zabardast
Meri Traf Sey dhairOn Dhair Daad Qabool kijiye Bro
Allah Molla Ap ko Or Zyada tOfeeq Dey Likhnay Kii (Aameen)

**saahir** · #25 11-02-2007, 12:41 PM

din raat yoonhi taraqqi pe taraqqi krtay raho,,kiya baat hay yaar...hr martaba pahlay say achi ghazal parhnay ko milti hay tumhari..maqtaiy nay boht lutf diya...maza aagaya..boht saari daad janab e man

**WanderingThoughts** · #26 11-02-2007, 03:17 PM

Quote:

Originally Posted by yasmin ahmad

bohat khub Faizaan dosra shair bohat undah hai..........khush rahian

bohat shukriya Yasmin Sahiba k aap ko ye shair pasand aaya..

**WanderingThoughts** · #27 11-02-2007, 03:22 PM

Quote:

Originally Posted by ali4everfriend

kubsurat sharing bro ......... masha allah dad qabool ho ...

thanks bro .