It seems that you are unregistered. Please register with us by clicking Here, or if you are already registered login here
It seems that you are unregistered. Please register with us by clicking Here, or if you are already registered login here 
Welcome to Urdu Community & Poetry/Shayari Forum
This is a discussion on jo aag lagaataa phirtaa ho, vo aag bujhaanaa kia jaane...meri ek puraanii Ghazal within the Urdu Poet Club forums, part of the Urdu Poetry category; dilkash andaz-e baya-n .v.nice sharing....
| |||||||
| Poetry | Video | Photo | Books | Games | Register | Groups | FAQ | Calendar | Mark Forums Read | Chat [1] |
|
#11
03-01-2007, 02:14 PM
| |||||
| |||||
dilkash andaz-e baya-n .v.nice sharing.                   |
|
#12
03-01-2007, 02:36 PM
| |||||
| |||||
Quote:
__________________ Khayaal hogaa, junuun hogaa, bahot abhii dil kaa Khoon hogaa bahaar hai door kii Haqeeqat, bahaar rang-e-chaman nahiiN hai Ali Z. Usmani [mere vaalid marHoom] |
|
#13
03-01-2007, 02:37 PM
| |||||
| |||||
Quote:
|
|
#14
03-01-2007, 08:56 PM
| |||||
| |||||
walikum asalam.. wahhh....bohat khooob...bohat hi umda ghazal kahi Ahmad Hashmi sahab  ... bhaee apne to zaini ko achay khasay shak maiN dal diya ...khush rahiye..aur likhtay rahiye ke mashAllah bohat umda likhtay haiN.. 1.gif ")1")
__________________ Signature Removed - Image exceeds 650 px by 350 px |
|
#15
03-01-2007, 11:23 PM
| |||||
| |||||
Quote:
mujhe Zain saaHib kii yaad-daasht kii daad denii chaahiye k unko yeh Ghazal jo maiN ne koii 2-3 saal qabl posT kii thii yaad rahii...vaise, meraa asl nama nahiiN hai Ahmad Hashmi...vo to sirf ek ID thii...meraa asl naam to Hashmat Usmani hai...thank you...shukria Ghazal kii pasandeedgii ke liye. aapkii Hausalah afzaaii meraa naseeb banti rahi to insha Allah aapko naa-ummeed na karne kii Hatta-al-imkaan poorii koshish karuuNgaa...shukria ek baar phir se aapkaa |
|
#16
03-02-2007, 12:27 PM
| |||||
| |||||
Quote:
wa-alaikum-as-salam Hashmat bhai! der se ghazal parhny k liay maazrat chahuN ga, (derguzer kiji'ay ga  )aap ki ghazal 2-3 saal guzer jaany k bad bhi tar-o-traza mehsoos hoti hy... bohat acha andaaz-e-bayaN hy ap ka, her sher qabil-e-staa'ish laga... is liay kisi aik ki nishandahi nahi kr raha.... albat'ta aik do bateN zehn maiN uber rahi haiN, so share krta chaluN ga... pehli bat to ye k aap ki ghazal k dusry sher maiN alfaaz istamal hu'ay "chitvan" "aaNkhoN ke sitam_gar sho'loN"... mera khyal hy k in dono ka matlab to aik sa hy. chitvan se muraad aankh ka ishara hota hy, aur "aaNkhoN ke sitam_gar sho'loN se" se bhi yani maani nikalty haiN... i think ye durust nahi hy k aik hi mazmon ko aik sher maiN repeat kiya ja'y... dusri bat ye hy k maqta k dusry misry ki taqtee krty waqt mujhy aik rukan ki kami mehsoos hui... infact aap k takhalus k baad mehsoos hota hy k aik rukam kam hy.... plz aik bar phir dekh leN, shayad maiN hi ghalati pr huN... overall aik bohat achi ghazal kehny pr meri janib se dheroN daad qubool kreN... Allah Mola aap ko bohat ziada ata kary, khush raheN, aabad raheN...
__________________  akaily pan ki aziat ka ab gila kesa... |
|
#17
03-03-2007, 01:02 AM
| |||||
| |||||
salaam Faizaan saaHib, sab se pahle to aapkaa shukria k aapne waqt nikaal kar Ghazal paRhii aur us par apne ta'assurata ba-ham pahoNchaaye. maiN ne roz e awwal se hii yeh baat gireh meN baandh rakkhii hai k maiN apne zehn ko hamesha aHbaab kii aaraa ke liye kushaada rakkhuuNgaa aur aaj aapkii aaraa se mujhe taqviiyat mili hai k kam se kam koi to hai jo rasmii waah waah ke bajaaye islaaH e suKhan kartaa hai. shukria Huzoor! aapke pahle nukte kii taraf aataa huuN. aapkaa kahnaa kisii Had tak durust hai magar jo baat zehn meN rakh kar maiN ne yeh she'r kahaa thaa vo yeh thaa k maiN ne in donoN alfaaz [chitvan aur aNkhoN ke sitan-gar sho'loN] meN tameez bartii hai ... maiN ne chitvan ko ek 'aam nazar se tashbeeH dii thii jise angrezii meN FIRST SIGHT kahte haiN aur dusre lafz se yeh maqsood thaa k pahli nazar ke ba'd jo duusrii nazar uThti hai vo moHabbat paidaa karne waalii nazar hotii hai ya'nii vo duusrii nazar maHboob/maHbooba kii moHabbat meN mar miTne kaa paiGhaam hotii hai...aur maHboob/maHbooba par donoN nazroN ke asaaraat muKhtalif hote haiN. is liye donoN alfaaz ke iste'maal ko maiN ne ravaa jaanaa...kia Khayaal hai? is vazaaHat ke ba'd bhii agar aap samajhte haiN k meraa mauqif saHeeH nahiiN hai to plz mujhe bataaiyegaa kiuN k maiN she'r meN tarmeem karne ke liye taiyaar huuN. shukria dussrii baat jo aapne vazan ke silsile se uThaaii hai vo bilkul bajaa hai...yaqeenan ek rukn kii kamii waaq'e huii hai. uskii vajah yeh thii k maiN "Sai'hbaa" taKhallus kartaa huuN magar kabhi kabhaar "Sai'hbaa_ji" bhi musta'mil kartaa huuN...chuNki yeh Ghazal kaii sites par muKhtalif "taKhallus" ke saath shaay'a huii thii is liye kahiiN yeh TYPO vujood emN aayaa. sorry. yeh she'r ab yuN paRhiye: har ek ishaare par jiske qurbaan hoN laakhoN parvaane be_dard vo, "Sahbaa-Ji!", terii taqdeer banaanaa kia jaane ek baar phir aapkaa teh-e-dil se shukria adaa kartaa huuN faqat aHqar, _______Hashmat |
|
#18
03-03-2007, 05:41 AM
| ||||
|
Re: jo aag lagaataa phirtaa ho, vo aag bujhaanaa kia jaane...meri ek puraanii Ghazal 
