Urdu Poetry Forum

1.Dost issi koo kehte hain..

khushi ho tumhari nachay koe
gham ho tumhary roey koe
dost is ko kehtay hain
dost isi liay hotay hain
onchi neechi rahon per
saya bun ker sath chalain
suchi wafa kay siva
dil may kuch bhi na rakhay
na koe gharz ho us ko yaron
dosti farz ho us ka yaron
dost is ko kehtay hain
dost isi liay hotay hain
koe dost chaho to
tum khud pehlay dost buno
raz koe chaho to
pehlay tum humraz buno
saray jahansay jo piyara lagay
apno say bhi zyada jo apna lagay
dost is ko kehtay hain
dost isi liay hotay hain

by: zafar M

2.AYE JAAN E WAFA YE KABHI MUMKIN NAHI HAI K
AFSANA LIKHOO AUR AAP KA NAAM NA AYEE..

LEHAR AATI HAI KINARE SE PALAT JAATI HAI
YAAD AATI HAI AUR DIL MAIN SIMAT JATI HAI

LEHAR AUR YAAD MAIN FARAQ ITNA HAI K
LEHAR BE WAQT AATI HAI YAAD HAR WAQT AATI HAI

DOSTI ACHI HO TO RUNG LAATI HAI
DOSTI GEHRI HO TO SAB KO BHAATI HAI

DOSTI NADAN HO TO TOOT JAATI HAI
AUR AGAR DOSTI HAM JESO SE HO TO

,,,,,,,,,ITEHAAS BAN JAATI HAI


By: Nageen


3.Dosti ki dunya main
Dost to bohat dekhay
Dost par wohi hai jo
Dost ban k dikhlayay

Dosti woh darya hai
Payas jo mita jayay
Aag jo bujha jayay
Ishq ki haqeeqt say
Aagahi kara jayay
Dill main phir sama jayay
Rooh tak jo chaa jayay

Dosti Diya bhi hai
Raasta jo dikhlaye
Roshni jo bikhraye

Mehfil main Jaam.e.Wafa
Tanhai main aik Zia

Arsh jo hilla aayay
Dosti duaa aisi ...
Dosti Maseeha bhi
Aur khuda ka tohfa bhi

Dosti nida bhi hai
Dosti nawa bhi hai
Dosti Sada bhi hai
Dosti Rida bhi hai

Dosti woh shabnam hai
Phool jo khila jayay
Rang bikhraa jayay

Dosti woh khawahish hai
Rooh ki faseelon par
Abr ban k aa jayay
Aur wafa ki baarish main
Doston kay daaman ko
Tishnagi mitta jayay
Gul hi Gul khila jayay

Dosti ki baatain hain
Dost jaan saktay hain
Dosto yeh batlao .....
Dosti yahi hai na ... !


by :chilli milli

4.~*~mera naam hai dosti~*~



Mein gum sum si yunhi bethi thi
Apnai khayaloon mein khoi si
Kabhi khud sai hi ghabrai si
Kabhi aam si uljhan mein uljhi si
Woh kab ai ye jana nahi
Bas dheerai sai ek ehsaas hua
Kai paas mere koi betha hai
Nazrain utha kar dekha to
Woh dheerai sai muskai thi
Poocha bolo kya uljhan hai
Mein nai kaha koi bhi nahi
Kehnai lagi chupao mat
Mein nai kaha kya karlo gi
Kehti hai mein sabjanti hoon
Jo dil mein hain woh khadshai bhi
Jo ankhoon mein anginat sawaal hain
Laboon kai tumharai shikwai bhi
Poocha us sai bolo kaun ho tum
Kehnai lagi mein hoon tum jaisi
Mein hairaan bhi hui kuch uljhi bhi
Kehnai lagi hairaan kyon ho
Chalo tum ko mein batlaati hoon
mein kaun hoon ye samjhati hoon
Mein barkha rim jhim barish si
Mein chaoon thandi wafa ki
Mein dhoop sai tum ko bachati hoon
Khadshai diloon kai mitati hoon
Mein pathjar mein phool khilati hoon
Sang mere chalti hai ye bahaar
Mein rootoon ko hasna sikhati hoon
Mein thaamti hoon girtai logoon ko
Mein diloon ko bhi milati hoon
Hoon mein sang to kya gham hai
Mein shama umeed ki jalati hoon
Hoon naram si mein kabhi nazuk si
hai muskaan meri pehchaan sakhi
Kabhi shabnam ban kar chaati hoon
To waqt anai par jaan lo tum
ek deewar bhi mein ban jaati hoon
Hai panah mujh mein mere apnoon ki
Mein khud jal kar rishta nibhati hoon
Kabhi hansti hoon kabhi gaati hoon
Kabhi rooti hoon ashk bhi mein bahati hoon
Ye sab hain roop aur rang mere
Mein diloon mein aas jagati hoon
Haan kaha na mein hoon tum jaisi
Mein tum mein hi jeeti jaati hoon
Kya jaan pai ho kaun hoon mein
Mein dheerai sai muska di thi
Us nai phir hath barhaya aur
Aur dheerai sai who keh gai
Mujhe sab dosti kehtai hain
Kya mujhse dosti karo gi tum
Mein kya kehti kuch keh na saki
Bas hath thama us ka aur
Baharoon kai sang chal pari

by: Diya

5.Rishtay....Dosti ke

daroN par dosti ke gar...
ya chahat ke dareechoN par...
nazar ke paniyoN say
aur..
kisi ki bay wafaii say...
hawa-e-bad gumaani say...
kahin par zang lag jaaye...
to sun lo ke azeez-e-mann
yeh phir say waa nahin hotay..!!
jahan aao, chalay jaao...
yeh woh rasta nahin hotay...!!
yeh rishtay dosti ke hain...
yeh tamasha nahin hotay..!!

By: Kaanch ki mehroo


By: Bilal Aik khushi





By: ishtiaq naz