Urdu Poetry Forum

mdimran_ansari · #1 01-24-2008, 05:01 AM

Ek Lamha, Khizan ke jane tak,
Ek Lamha, bahaar aane tak.
Ek Lamha ke, barhami hai bahut,
Ek Lamha ke muskarane tak.
Ek Lamha ke, imtahan apna,
Ek Lamha inam pane tak.
Ek Lamha ke, sab nichhawar hai,
Ek Lamha ke aazmane tak.
Ek Lamha ke,samet le dunya,
Ek Lamha ke, bikhar jane tak.
Ek Lamha ke, muqaddar bigre,
Ek Lamha ke,sanwar jane tak.
Ek Lamha ke,bas jahannum hai,
Ek Lamha firdaus pane tak.
Ek Lamha ke, kali raat bhi hai,
Ek Lamha ke, noor chhane tak.
Lamha phele to ek samandar hai,
Ek Lamha ke, rai dane tak.
Ek Lamha sambhal lo 'imran',
Sadiyan lagti hain lamha aane tak.

Faqat wassalam.
Mohd. Imran Ansari

**yasmin ahmad** · #2 01-24-2008, 06:24 AM

bohat khubsurat Imran............ zindagi ke tamaam lamhoun ko apni nazam mein likha hai..............boh at se daad aur bohat khush rahian. Amin

**WanderingThoughts** · #3 01-24-2008, 11:01 AM

As-salam-o-alaikum Imran Ansari Sahab,

aap ko urdu poets club meiN khush-aamadeed.. umeid hy k aap ka waqt yahaN khoob guzry ga...

lamhoN k hawaly se aik achia nazm kahi hy aaap ne, so meri janib se daad qubool kreN.. aap ki mazeed kawishat ka intzar rahy ga, likhty raheN aur ham se share krty raheN... Allah Taala ap ko bohat ziada ata kary, khush raheN aabad raheN....

mdimran_ansari · #4 02-15-2008, 05:06 AM

Quote:

Originally Posted by yasmin ahmad

bohat khubsurat Imran............ zindagi ke tamaam lamhoun ko apni nazam mein likha hai..............boh at se daad aur bohat khush rahian. Amin

Mohtarma assalamualeykum,
ummed hai bakheriat honge, hosla afzai ke liye bahut shukriya, ek aur ghazal aapki peshe-khidmat hai, koshish ko parkhein aur duaon se nawazen.

Allah re yeh qatil ada socho,
Phir bhi hamein ummed wafa soho.
Lanka ke dhoop aur yeh husn qayamat,
Kashmeer mein hota to phir jalwa socho.
Andaaz-e-zafa dekho deewana hua dil,
Kash milti agar wafa socho.
Wo jeetey, mein harta hi rahhon,
gar mohabbat ho ek jua socho.
mil jaye yeh duniya to mitti warna,
nikli jo hath se to sona socho.
ya elahi use mohabbat de,
qubool ho jaye gar dua socho.
Sare mehfil wo kuchh talash kare,
Mujh pe aaker ruke nigaah socho.

mdimran_ansari · #5 02-15-2008, 05:08 AM

Quote:

Originally Posted by WanderingThoughts

As-salam-o-alaikum Imran Ansari Sahab,

aap ko urdu poets club meiN khush-aamadeed.. umeid hy k aap ka waqt yahaN khoob guzry ga...

lamhoN k hawaly se aik achia nazm kahi hy aaap ne, so meri janib se daad qubool kreN.. aap ki mazeed kawishat ka intzar rahy ga, likhty raheN aur ham se share krty raheN... Allah Taala ap ko bohat ziada ata kary, khush raheN aabad raheN....

Mohtaram assalamualeykum,
ummed hai bakheriat honge, hosla afzai ke liye bahut shukriya, ek aur ghazal aapki peshe-khidmat hai, koshish ko parkhein aur duaon se nawazen.

Allah re yeh qatil ada socho,
Phir bhi hamein ummed wafa soho.
Lanka ke dhoop aur yeh husn qayamat,
Kashmeer mein hota to phir jalwa socho.
Andaaz-e-zafa dekho deewana hua dil,
Kash milti agar wafa socho.
Wo jeetey, mein harta hi rahhon,
gar mohabbat ho ek jua socho.
mil jaye yeh duniya to mitti warna,
nikli jo hath se to sona socho.
ya elahi use mohabbat de,
qubool ho jaye gar dua socho.
Sare mehfil wo kuchh talash kare,
Mujh pe aaker ruke nigaah socho.

**rameesa** · #6 02-15-2008, 08:34 AM

imran ji

WELCOME

nazam aap nay waqai achi kahi
likhtay rahiay aur shair kartay rahiay

**kanch ki mehroo** · #7 02-15-2008, 08:37 PM

achi koshish hai Imran... likhtay rahiye

khush rahiye

**kanwal Hussain** · #8 02-16-2008, 05:37 PM

welcome
Ek Lamha, Khizan ke jane tak,
Ek Lamha, bahaar aane tak.
acha likha aap ne likhtay rahin khush rahin..