Urdu Poetry Forum

**T@nHa muS@F!r** · #51 06-11-2006, 10:31 AM

Quote:

Originally Posted by Shumaela Rana

AOA musafir ji

Dil maiN rakheiN to nigaahoN say juda ho jaaey
Kiya qiyamat hai, jisey chaaheiN, Khuda ho jaaey

kya kamal ka kalam paish kya ap ne hmesha ki trha bht umda bht aala likhtey rahiey

muskuratey rahiey

jee,ehsaas-e-lazat-e-inayaat-e-haroof-e-tahseen par dharknain jhoom rahi hain, buhat buhat shukriya ap nay ghazal ko pasand farmaya, inshallah ap ko tawaquaat par poora utarnay ko koshish karoon ga. Duaaon main yaad rakhein.

**Ashraf Naqvi** · #52 06-11-2006, 11:06 AM

Quote:

Originally Posted by T@nHa muS@F!r

jumla adab dost sathion ki khidmat main ~muS@F!r~ ki taraf se
ik taza kawish ap sab ki khidmat main paish karnein ki jasarat kar raha hoon, umeed-e-wasiq hai k ap k zoq-e-saleem ki meraaj ko choo paein gi, agar koi ghalti reh gai ho to us se sarf-e-nazar kariya ga, or ap sab ki tanqed-o-araa ka muntazir raho, jeetay rahaein, khush rahaein, sada hastay muskuratay rahaein.

ap sab ki duaaoan ka tilib...........

Maashaa-Allah, kia kehnay, janaab! bohat hi khoobsoorat ghazal, itni dilkash ke mairay pass is ki ta-areef ke liay alfaz bhi kam haiN. Mairi taraf se bohat bohat daad o tehseen qabool farmaaiyay aor khush rehiyay aor muskuraatay rehiyay.(flowers)

Dil maiN rakheiN to nigaahoN say juda ho jaaey
Kiya qiyamat hai, jisey chaaheiN, Khuda ho jaaey

ankh khaaboN ko kabhi daam-e-sehar maiN ghairey
Khaab jharr jaaeiN to yeh farsh-e-azaa ho jaaey

Khaak zaadey haiN, tujhey chootey huey dartey haiN
Ham say jannat maiN kahiN phir na khataa ho jaaey

Zabt bhi hota nahiN, toot kay rona bhi nahiN
Rog aisa hai kay jeevan bhi sazaa ho jaaey

Ishq hai, daagh nahiN, noor hai peishaani ka
Sar ho tasleem maiN kham, sajda adaa ho jaaey

Hijr-o-aaseb-e-mohabat ki fasooN kaari maiN
Tum jo taaveez bano, radd-e-balaa ho jaaey

Harf bhi lab pay haiN or haath bhi khaali apney
Woh to kuch or hai jo rakht-e-duaa ho jaaey

Woh bhi manzil kahiN aati hay wafaa ki raah meiN
Khaak-e-na'alein bhi jab khaak-e-shifaa ho jaaey

Ham ko nisbat hay muS@F!r kisi aisay dar say
Ab to a'adaa ko bhi khairaat-e-wafa ho jaaey
.
.
.
.
.
.
.
.
.
~muS@F!r~

Wah wah kia baat he, bohat hi dilkash ghazal he aap ki. Allah karay zoar e qalam aur ziaada.(flowers)

**Diya** · #53 06-12-2006, 01:49 PM

Quote:

Originally Posted by T@nHa muS@F!r

Buhat buhat shukriya kay ap ko meray yeh chand alfaaz-e-sar bagreebaaN bhaa gaey, warna kon aaj kay masroof dor main khoobsoorat alfaz aur pur kahloos duaaon kay laal-o-guhar lutaanay ka hosla rakhta hai, yeh rasm to bas ap jaisey mohtram aur fiyaaz hastion kay dam qadam say he jaari hai. jeeti rahiye aur ap ka daaman sada achay khiyaalat, pur kahloos duaaon aur khaaliq-e-amann ki rahmaton say bhara rahey.

ap ki duaaon ka talib..............: dua

mein sirf itna kahoongi kai jahan khuloos hoga wahan duaain hoongi aur duniya chahai jitni bhi masroof ho khuloos mein abhi kami nahi ai hai Khuda aap ko kamyab karai ameen sum ameen

khush rahiyai