AOA kutch din kabal aik misre pe ghazal likhi paish hay
"misra e tarha tha" tohmat nahi kisi per, shikwa nahi kisi sey"

---------------------
Merey baghair bhi tum jeena hansi khushi sey
Parta hi farq kiya hay, ik shakhs ki kami sey

Barbadiyoo.n main apni bas dosh hay humara
"Tohmat nahi kisi per, shikwa nahi kisi sey"

Hay sans aab tu bhaari, jeena bhi ik khwaari
Yarub mujhe utha ley, hoon tang zindagi sey

Ye aaene main jaane hay koun jhab dikhata
Kiyu guftugu karey hoon main aik ajnabi sey

Dewaangi ki mujh per, tohmat hay jo ghalat hay
Ruswa hoi hoon main tu apni junoo-gari sey

Shagufta baat meri pal'lo main bandh lena
Umeed mat lagana aab tum kabhi kisi sey

--------------
Shagufta Saleem
Jan,2004.