08-17-2008, 02:15 PM
|
 | ibn Rushd | | | Join Date: Jan 2008 Location: khwab khwab Age: 18
Posts: 650
Country:  Tutorials:
0 My Mood:  Thanks: 107
Thanked 269 Times in 213 Posts
Nominated 6 Times in 5 Posts TOTW/F/M Award(s): 0
Rep Power: 116 | |
 use sadiyon mein | |
main ne aik ghazal likhi thi, kuchh din pehlay woh aap se share kar raha hun. apni raaye aur tanqeed se zarur nawaziyega.
attachement mein urdu mein bhi likhi hai. aassani hogi parhne mein. use sadiyo.n mein yaad aaya nahin hun
aur main hun! use ab bhi bhula nahin hun
bohot chup raha kuchh bhi bola nahin hun
jo bola nahin hun, to goya nahin hun!
hai mera har ik subh, naya koi rahbar
pa manzil talak ab bhi pohoncha nahin hun
khuda jaane kab tak rahega taghaful
main, haif! is jahan mein humesha nahin hun
woh baad-e-saba jabse ruThi chaman se
bas us waqt se main bhi mehka nahin hun
wafa to libaas-o-badan sa hai rishta
tu deewar hai par main saya nahi hun
hai mere sheher mein bohot zor-e-khanjar
pe sacchai se ab bhi Darta nahin hun
mohabbat mein khaaye hain main ne bhi dhoke
haan! shayad main ab aisa lagta nahin hun
hai wehshat hi wehshat tujhe kya bataaun
main us ki gali tak bhi jaata nahin hun
qaraar-o-qasam saare jhooTay hi nikle
hai lagne laga main bhi saccha nahin hun
mujhe zindagi se yahi ik gila hai
ke main zindagi tak ko samjha nahin hun
tere hijr ke dukh mein hun sar ba zaanoo
agarche abhi reza reza nahin hun
"mudabbar" bohot hi jalan thi jigar mein
haqeeqat hai main zyada likhta nahin hun
Mudabbar Khan
__________________ 
Last edited by mobi91; 08-19-2008 at 09:19 PM..
|