jamaal e yar ko ab aashkar karna hai
khizan raseeda chaman ko bahar karna hai

"wafa mein ab yeh hunar ikhtiar karna hai"
tumhari yad sey dil waguzar karna hai

merey khilaf saf aara hein yar bhi merey
to sochta hoon mujhey kis pe war karna hai

isi zameen ki nisbat sey mu`tabir thehrey
isi zameen` ko hamein lalazar karna hai

jo ahl e dil hain usey shairy bhi manein gey
hamein to tazkira e husn e yar karna hai

yeh kya kamal ke yaron pe jan ho qurban
maza to jab hai adoo sey bhi pyar karna hai

wo jis kay honey sey sara jahan mera tha
jahan sara usi par nisar karna hai

jo teri bazm mein kartey hain dawa e ulfat
meri wafa ney unhein sharmsar karna hai

wisaal e yar ki khatir muheeb darya ko
ghara hai kachcha to kya phir bhi par karna hai

Yadash Bakahir ham bhi aadi thay dil lagi kay
Ab khwab ki hain batein qissay thay jo kabhi kay