muqabla-e-tarahi ghazal ke liye meri ghazal qubul kijiyega


" wafa mein ab ye hunar ikhtiyar karna hai
woh bewafa hi sahi,phir bhi pyar karna hai

balandiyon pe mere housale hon, mere khuda
khizan ki rut ko badalkar bahar karna hai

unki ahat hameysha gunjati hai aangan mein
tamam umr hamein intazar karna hai

woh dur ho to khatakti hai judai unki
woh paas ho to shikwe hazar karna hai

woh din ko raat bhi kah dein to koi baat nahin
hamara kya hai hamein eitbaar karna hai

hamari neende udana tumhara kaam sahi
hamara shagl bhi taare shumar karna hai

qadam qadam pe teri rahmaton ka saya ho
qadam qadam pe tujhe hamkinar karna hai

----------------vibhavan-----------------