Ghazal By Hasan Bhati

Rahzan Ki Tang Damani Nazar Aane Ke Baad
Apni Daulat Ka Hua Andaza Lut Jaane K Baad

Mere Dukh Se Dab Gai Uski Bhi Koi Dukhti Rug
Der Tak Rota Raha Wo Mujh Ko Sam Jhane K Baad

Dil Kahin Hai Jan Kahin Hai Aur Kahin Hosho Khirad
Baith Kar Khud Ko Sametonga Tere Jaane K Baad

In Me Kho Kar Tujh Se Mai Ghafil Na Ho Jaon Kahin
Tod Dena Sab Khilaone Mujhko Bahlane K Baad

Sabt Karli Sab Ne Honto Par Qadam Bosi Ki Mohr
Kaun Zikre Ishq Karta Tere Deewane K Baad