Quote:
Originally Posted by WanderingThoughts  As-salam-o-alaikum dosto!!!
aaj aap se aik ghazal share kr raha huN, umeed hy aap paRheN gy aur apni ra'ay se nawazeN gy... to arz kiya hy:  sara din, din k taaqub meiN chali aati rahi,
raat bher phir apny paoN sehlaati rahi.
din musalsal tery gham ki sa'ataiN lata raha,
raat sari qaafia paimaei meiN jati rahi.
ishq ham ko ik gali aur aik der tak le gya,
aql ham ko nit-na'ay rasty hi dikhlati rahi.
ab kahaN aty haiN ansu ankh meiN, gham hoNt pr
wo teri khawhish hi thi, jo in ko uksaati rahi
maaN ki janib dekhty hi dekhty sab so ga'ay
khali bertan se wo shab-bher in ko behlati rahi |
Faizan bhai kya kehne haiN aap ke ... Bohot bohot bohot hee khoob
maaN ki janib dekhty hi dekhty sab so ga'ay
khali bertan se wo shab-bher in ko behlati rahi
Aap ka ooper wala shair paRhker yeh shair yaad aa gaya mujhay:
Jab khilonay ko tarasta hai koi ghurbat ka phool
AaNsuoN ke saaz per bachay ko behlaatii hai maaN
Qassim Mirza Ali
:Qassim: