Ahle bazm ki khidmat mein ek adna si kawish.....


Gulshan-e dil mein Khiley Hein teri yaadon ke gulab
Misl-e shabnam hay laraztey huey ashkown ka warood
Taar-e ehsaas hay mizrab-e alam sey lerzaaN
Derd ki Taal pe raqsaaN hay tamanna ka wajood

Shama-e shauq farozaaN hay sar-e bazm-e junooN
Ho chukey Khak kabhi ke par-e perwana-e hosh
Germi-e aatish-e furqat sey sulagti hay hayat
hasrat-e deed mein phaili hay nazar ki aaghosh

Kash aa jaaey kabhi bam-e tasawur pi hi tu
apni aankhon meiN chalaktey huey paimaaney liye
Kuch tow halki ho mere derd-e nihaaN ki sozish
doob ti aas ko thora sa sahara tow miley

Adab

Qamar

__________________
Kyun Teri Chashm-e mast ka ehsaaN uthaaiye
Zehrab-e may sey ho gham-e hasti ager ghalat