 Aye mairay dil-e-nadaaN, tu mujh pe nazar rakhna | |
Na apni khabar rakhna, na un ki khabar rakhna
Pindaar-e-muhabbat ho, matloob agar rakhna
Halaat wo daikhay haiN, bardasht na ho paayeN
Seekha hai muhabbat maiN, paththar ko jigar rakhna
BarsoN se nahiN soya, ab neend zara kar looN?
Aye maut! mayassar ho, gar god maiN sar rakhna
Is dil se mere Maula! khwahish hi miTa dena
Tu meri duaaoN maiN, itna to asar rakhna
DanaaoN ki danayee, barbadi-e-dunya hai
Aye mairay dil-e-nadaaN, tu mujh pe nazar rakhna
Ghar ko jo kia sehra, to sab ka bura hoga
Ab mujh ko ghaneemat hai, sehra ko hi ghar rakhna
Jab wo na Saraab aaye, tum jaaN se guzar jao
Wo bhool gaye wada, tum yaad magar rakhna
__________________
******************** ******************** ****
Adaab teri bazm ke jeenay nahiN daitay
DeewanoN ko jeenay ki tamanna to baRi hay
(Qabil Ajmeri) |