 KaheeN wo udaas hota, kaheeN maiN udaas hota | |
KaheeN wo udaas hota, kaheeN maiN udaas hota
Na wo mairay paas hota, na maiN apnay paas hota
Mujhay dostoN ke nuskhay, kabhi raas aa sakay na
Mujhay mairay haal chHoRo, yahi iltemaas hota
MaiN to lauT kar bhi khush hooN, ke wo baat kar raha hai
Kabhi wo zubaaN na khulti, jo maiN aas paas hota
Mere yaar ka nasheman, tha baRay ajab nagar maiN
Kabhi shehr-e-yaar hota, kabhi shehr-e-yaas hota
Ye jo din ko tu hai roya, ye ayaaN na raaz kar day
Tujhay aur kuch na hota, shab-e-gham ka paas hota
Tera khauf ye ghalat tha, mera dil kabhi bharay ga
Tu ghaTa ghaTa bhi hota, to maiN pyaas pyaas hota
Dikha mausam-e-baharaaN, to chaman se bhaag niklaa
WaheeN maiN Saraab rukta, jo mujhay ye raas hota
__________________
******************** ******************** ****
Adaab teri bazm ke jeenay nahiN daitay
DeewanoN ko jeenay ki tamanna to baRi hay
(Qabil Ajmeri)
Last edited by Saraabs; 02-26-2008 at 07:47 AM.
|