 Pyaasa darya se door ho ga | |
Pyaasa darya se door ho ga
Pyaas pe lekin ghuroor ho ga
Nash-sha-e-gham jab ragoN maiN utray
Halka halka suroor ho ga
Saari saza ye sochtay kaaTi
Kuch to apna qusoor ho ga
Bazm-e-tarab phir chHin jayegi
Koi bahana zaroor ho ga
Khul na sakeNgi aaNkheN apni
Jab jab un ka zahoor ho ga
Zulm ka dukh wo batlaayeNge
Jin ko haq ka sha'oor ho ga
Saari haqeeqat khule gi jis dam
Zaat ka darya aboor ho ga
Marg-e-Saraab asaan nahiN hai
Shayed nash-shay maiN choor ho ga
__________________
******************** ******************** ****
Adaab teri bazm ke jeenay nahiN daitay
DeewanoN ko jeenay ki tamanna to baRi hay
(Qabil Ajmeri) |