 Kayee dil maiN aisay maqaam haiN | |
Ye jo talkh talkh se jaam haiN, mere shehr maiN, baRay aam haiN
InheN kioN na baRh ke uThaaooN maiN, ke ye saaray gham tere naam haiN
Mujhe dekh kar bhi na dekhna, tujhe maiN ne sehl bana dia
Tujhe dekhte hi palaT gaya, yahi keh dia, "mujhe kaam haiN"
Tujhe jhelna zara sehl hai, mujhe jhelna zara sakht hai
Tere chaarsoo, kayee log haiN, mere chaarsoo, dar-o-baam haiN
KarooN khoj kia, kisi baat ki, na khabar hai apni hi zaat ki
Kabhi khud na apna guzar hua, kayee dil maiN aisay maqaam haiN
Ye ham ehl-e-dil ka hi sabr hai, jo saha kuch aisa bhi jabr hai
Wo jo khwaab jaaN se azeez thay, unheN baichtay, sar-e-aam haiN
__________________
******************** ******************** ****
Adaab teri bazm ke jeenay nahiN daitay
DeewanoN ko jeenay ki tamanna to baRi hay
(Qabil Ajmeri)
Last edited by Saraabs; 12-05-2007 at 06:28 PM.
|