akhri sawal
zaberdast
her nazam achi hai khasosan nay dost
unki nazmon ko ager first koshish samgha jay to acha lagta hai
apni masrofiat kay bais main shamil to naheen ho saki
mager 20 11 2007 ki likhi hoi nazam hazir hai kay her cheez moqay ki munasbat say hi achi lagti hai
ab kay ik aakhri sawaal karna hai mughay
kay yeh mulaqat tamam karna hai mughay
mager janan !
main bas yeh soch rahi hon
wo aakhri sawaal kia karon?
mittay gharon aur luttay logon ki aawazon main
main pyar bhara koi sawaal karon?
aamriat kay panjay main pharpharatay panchi ki
aakhri sansain shumar karon
ya mumtahin aur nigran ki sazshain ishtihar karon
pas_e_zindan haqgoon ko likhon?
ya aseeran_e_watan shumar karon
waqt ki raftar daikhon
ya dard_e_maseehai say dil fgar karon?
main karon to kia karon?
band ankhon say sapnay daikhti is kom ko
kis tarah baidaar karon?
surkh hoi miti say uthti khushbo main chupa sawaal?
main wo aakhri sawaal baidaar karon?
janan!
in halaat main pyar muhabat ki batain kia karon
kia aakhri sawaal karon!
her jalay katay udhray jism ki kahani likhon?
her kahani ka injam aakhri sawaal karon?
main wo tishna sawaal lay ker kahan jaon?
main kis say yeh aakhri sawaal karon?