Quote:
Originally Posted by khalidrawat  Aaam her giz na kabhi jalwa-e-janaa.N kerna
Deed ka parda-e-khilwat mai.N he samaa.N kerna
Laag ho dil ke kahi.N deed pareshaa.N ho kahi.N
Aisi wehshat na kabhi ham se Ghazalaa.N kerna
Ho guzarna jo tera dasht ki tanhai se
Zarre zarre ko waha.N ja ke bayaabaa.N kerna
shab ki dehleez se le aana sitaroo.N ka ghubaar
Noor se us ke he rooshan ye shabistaa.N kerna
Us ko her giz na bataana ke junoo.N lahaq he
Us ke aage na kabhi chaak garebaa.N kerna
shola-e-shaam-o-sahar dil mai.N basa ker us se
Raat ki bazm ko aye yaar charaaghaa.N kerna
zehr taryaaq he her giz na batana us ko
Dard se choor na de dard ka darmaa.N kerna
Herf-e-anjaam ko aaghaaz batana us ko
ger tajussus ho tu aaghaaz ko unwaa.N kerna
Chaand nikle jo kabhi shab ki rida aurhe hue
Us ke chehre pe bhi zulfoo.N ko pareshaa.N kerna
Jaa mayassr na ager ho tu na kuch bhi kehna
Ju mile ja tu use masnad-e-shahaa.N kerna
us ko dene ko ager paas tere ho pather
Ker ke tadbeer use laal-e-badakhshaa.N kerna
kufr-e-hairat he baja phir bhi tra aage kabhi
Jab wo aaena bane chashm ko hairaa.N kerna |
As-salam-o-alaikum Khalid bhai,
Saraabz sahib ki trha maiN bhi sharminda huN k itni ghazab ki ghazal abhi tak na paRh saka... derguzer kijiay ga...
aap ki ghazal bhi esi hy k aik aik shair
pr der tak baat krny ko dil chah raha hy...
Laag ho dil ke kahi.N, deed pareshaa.N ho kahi.N Aisi wehshat na kabhi ham se Ghazalaa.N kerna
wahh... kya baat hy ji... itny achy paira'ay meiN ye baat kahi hy k lutf hi aaa gya, bohat khoob shair hy.
zehr taryaaq he her giz na batana us ko Dard se choor na de dard ka darmaa.N kerna
wahhhh..... baei kya hi baat hy, bohat khooob... wahhh......... dard se choR na de, dard ka darmaaN krna, baei kya ehsaas hy, aur kya apna'iyat hy is shair meiN... bohat khoob,,,,
us ko dene ko ager paas tere ho pather Ker ke tadbeer use laal-e-badakhshaa.N kerna
ye shair bhi apni misaal aap hy... "kar k tadbeir..." kya andaz hy jnab, bohat khoob... kabhi kabhi sada bhi baat bhi is khubsurat paira'ay meiN hoti hy k wo bohat lutf deti hy...
jnab meri janib se dhairoN daad is khubsurat ghazal ki nazr... sari gahzal hi khoob hy, Allah Mola aap ko bohat ziada ata kary, khush raheN aabad raheN... aur youNhi acha acha likhty aur ham se share krty raheN...