 Dil se jab dard gaya, dil bhi gaya, jaaN bhi gayi | |
Dil se jab dard gaya, dil bhi gaya, jaaN bhi gayee
Aur jeenay ki wo ek khwahish-e-nadaaN bhi gayee
Chashm-e-hairaaN maiN sajaa tera sarapaa bhi gaya
Aur tasawwur se teri zulf-e-pareshaaN bhi gayee
Na koi hijr raha aur na koi wasl raha
Shiddat-e-dard gayee, khwahish-e-darmaaN bhi gayee
Gham ke ma'ni rahe baqi na khushi ka mafhoom
Qeemat-e-ehd gai, wuq'at-e-paimaaN bhi gayee
Teri ummeed jo haaray to sabhi haar gaye
Quwwat-e-ishq ke saath azmat-e-insaaN bhi gayee |