Quote:
Originally Posted by Saraabs  Is tarah se mujrim hamain bedard na thehra
Dunya ke muqabil to koi fard na thehra
Dukh iska nahin hai ke bicharne ki ghari thi
Dukh ye hai ke kion rang tera zard na thehra
Hamdard bohot the jo koi dard nahin tha
Jab dard barha koi bhi hamdard na thehra
Taghoot manata hai jo faateh ki tarah jashn
Kia koi bhi basti main jawan mard na thehra
Tere bhi Saraab ishq main kuch kam thi hararat
Tu uske rawayye ko bohot sard na thehra |
salaam,
achi ghazal..... ache izhaar se muzaiyan
matlah ka misra e saani istahfam paida kar raha hai.... lekon eik mukamil aur pur asar ghazal hai aap ki
duaon ke saath
qamar