AssalamoalaikoM Piyare Bahiyo aur Behano
Aaj Bohat arrsay bahad eik mukhtasirr si nazzm le ker aap sab ki khidmat meiN hazir hua houN, Alfaaz ki iss toRr joRr meiN kahieN apko kissi kissam ki kammi baishi mehsoos ho tow zarur appni aaraa se nawaziaY ga
Ap sab ki DuaaoaN ka talib
Zealous
Tum Paas Jab Atay Ho…
''Tum paas jab aatay ho
Madhosh ho jati houN
Dil taiz dharrakta hai
SaansieN na sambhalti heiN
Lub kampne laggtay heiN
Cheray pe youN laali ka
Eik raKkss sa hota hai
Jaisay kissi jungle meiN
Koi mowr nachay hai
Mann ka khaali manndirr
Teray naam ki ghanti se
Phir gooNjnay laggta hai
Teri Koel si boli
Aur wo pyaar bharri bateiN,
Teri Orr bulati heiN....
MeiN khichti he jaati houN
Phir kaali ghattaa bann ke
Tum mujh pe barrastay ho
MeiN teray rang mein Piyaa
Jee bharr ke nahaati houN,
Tum paas jab aatay ho
Madhosh ho jaati houN''