As-salam-o-alaikum dosto, main bhi marking k sath hazir huN, is bar kuch late ho gya, mager ye shuker hy hazir ho gya... Ye dekh kr Bohat khushi hui k is bar bhi contest meiN dostoN ne bher-pur his'sa liya aur apni khubsurat takhleeqaat se is mehfil ki ronaq ko baRhaya…

Marking krny se pehly aik bat arz kr duN k chuNkay ye mozu aisa tha k is pr bohat se mukhtalif zavioN se likha ja sakta hy, so maiN is muqably meiN shamil sab takhleeqaat ko mozu k mukamal marks duN ga.

ab aaty haiN marking ki aata huN, araf, Sab se pehli takhleeq hy:

1- Ather29

Ather bhai aap ki janib se aazadi k unwaan k tehat aik achi nazm parhny ko mili. mozu k lehaz se to ap ko pory marks mileN gy, mager andaaz-e-bayaaN k hawaly se kuch baton pr ghor ki zuroorat hy. Alfaaz ko is trha se istamal kreN k misra paRhty waqt rawani mehsoos ho, aur misra aik hi flow meiN paRha ja’ay… aru khas kr paband nazm meiN wazn pr bhi tawaju zuroorat hoti hy…

Aap ki kawish ko milty haiN:

Andaaz-e-bayaaN = 2.5
Mozu se insaaf = 5

Total = 7.5


2- Qamar94


Mohtaram Qamar Sahab, aap ki takhleeq bila shuba bohat baRi aur pur-asar hy aur mera khyaal hy k aap ki is takhleeq ka kisi se muqabla bhi nahi kiya ja sakta, k herf herf sachy jazboN aur apny watan ki mahabat ki gawahi de raha hy.... mager aap ki ye takhleeq ghazal k zimry meiN aati hy (kyuN-kay is meiN ghazal ki bunyadi khubiaN mojud haiN, yaani matla, maqta aur qafia radeef ki pabandi...) so is waja se is takhleeq pr marking nahi kr sakuN ga.


3- Ali4everfriend

Ali bhai aap ki kawish bhi achi rahi, wahi bat kahuN ga k rawani k hawaly se tawaju derkaar hy, behter alfaaz ka istamal aur un ko munasib jaga pr lagana yaqeenan misry ki rawani meiN izafa krta hy, so is janib tawaju ki zuroorat hy….

Aap ki kawish ko milty haiN:

Andaaz-e-bayaaN = 2
Mozu se insaaf = 5

Total = 7


4- CHISTHY1

Jnab aazadi k hawaly se aap ki takhleeq bhi bohat achi hy, alfaaz ka istamal acha kiya gya hy nazm meiN, mager abhi rwani ki kami nazer aaei aap ki is kawish meiN, so is janib tawaju dijiay…
Aap ki kawish ko milty haiN:
Andaaz-e-bayaaN = 3
Mozu se insaaf = 5
Total = 8


5- frantic. Hectic

frantic ji, aap ne kuh munfarid si nazm pesh ki, agerchay nazm meiN aazadi k baad ki zurat-e-haal k bohat se sanjeeda pehluoN pr nazr daadi, mager jaghoN pr aisa laga k kuch tarkeebat aap thek se istamal nai kr saky…. Jesa k ap ne “virus mandlany” ka
zikr kiya, yahaN virus ka khatra to mandla sakta hy mager virus az-khud nahi mandla sakta… rawani k hawaly se aap ki nazm meiN kuch lines bohat rawaN haiN, mager beh-ter muqamat pr rawani meiN kami ka ehsaaas hota hy…

Aap ki kawish ko milty haiN:

Andaaz-e-bayaaN = 3.5
Mozu se insaaf = 5

Total = 8.5


6- Zeneya

Zeneya Sahiba aap ki takhleeq bhi khoob rhai, andaaz-e-bayaaN acha hy aur alfaaz ka khoob istamal kiya aap ne, go-ky kuch misroN meiN rawani bohat achi rahi mager abhi is janib mazeed tawaju ki zuroorat hy….

Aap ki kawish ko milty haiN:

Andaaz-e-bayaaN = 3.5
Mozu se insaaf = 5

Total = 8.5


7- Silent Wishes

Ihsan bhai aap ne bhi aazadi k hawaly se aik umda takhleeq pesh ki… sabhi sher achy kahy aap ne, wazn, rawani, alfaaz ka umda istamal, aur in alfaaz k peachy khyalat, sabhi kuch acha raha aap ki takhleeq meiN…. sirf Aakhri sher meiN aap aik lafz ghalat talafuz pr istamal kr ga’ay, lafz “asal” ko “asl” paRheN gy aur isi wazn pr isy istamal kiya ja’ay ga.… so umeed hy aap aainda alfaaz ko durust talafuz pr istamal kreN gy…

Aap ki kawish ko milty haiN:

Andaaz-e-bayaaN = 4
Mozu se insaaf = 5

Total = 9

__________________