Irshaad Bhai, pehli baat to ye ke main already aap ka ardent fan hoon. Aur sach poochen to aap ki is guidance se mere dil main aap ki izzat bohot ziada barh gai hai. Aap ne ek senior hote hue itni tawajja se mera kalaam dekha aur mujhe meri khamion samait yunhi nahin chor dia bulke islaah bhi farmai. Main tah-e-dil se aap ka mushkoor hoon aur koshish karoonga ke aaenda is tarah ki ghaltion se bachoon. Aap ne Mehroo, Zain aur Atif ka naam bara sahi lia. Meri bhi khwahish hai ke ham log in se kuch seekh saken aur in teenon se bhi darkhwast hai ke tanqeed bara-e-islaah se ijtinaab na karen ke ye to dar haqeeqat tameeri kaam hai.