Ma qehr aalood ujaalon se chhup ker
naqoosh-e-manzil sar-e-shaam talaashta hoon

Ma qafs-e-nafs-o-jaan' se cut ker
peyker-e-khudi to taraashta hoon

Ma vehshaton kay sehraa' ma kho ker
lab-e-dasht khud ko pukaarta hoon

Raah-e-ishq ma aabla paa ho ker
ma johar-e-manzil ko lalkaarta hoon

Us kay tassawwur ki chaap sun ker
dil o jaan' ke dar-o-baam sanwaarta hoon

Khusboo hoti mohabbaton ma bas ker
ma jism o wajdaan ko nikhaarta hoon

Ma naaqib e wafa se bicher ker
khud apney saaey se bhaagta hoon

Na badnaam ho tu mera ho kar
bas itni si wafa maangta hoon

Ahsan Akbar