Bund Muthi Mai Wakt ko qaid ker k...
apni zaat ko khona chahti hun
Mai rona chahti hun...
Sadiyo se kabhi jo bheegi na
un palko ko bhigona chahti hun
mai rona chahti hun...
Khoye sabhi rishto ko
paya kabhi jo na mene
unhe ik bar phir se khona chahti hun
mai rona chahti hun...
bikhray sab hi motio ko
aik baar phir se pirona chahti hun
mai rona chahti hun
woh jo soye na kabhi sukoon se nadaa'n
Lahad mai akhri neend sona chahti hun
mai rona chahti hun.... (shehroon)
Pehli bar apni poetry shair ker rahi hun...share kerte hoye acha nahi lag raha pata nahi kiu...mujeh aysa lagta hay k ap apni poetry share ker k apni thoughts aur thinkin ko dosro k sath share kerte ho...aur is tarah insaan khuli kitab ki manand ho jata hay jisay saray aam sab parh sakte hen..lekin mai apni poetry mai sudhaar lana chahti hun aur hamare section moderator zain ke hosla afzai se..mai apni aik poetry share ker rahi hun..is mai bohat si ghaltia hongi aur shayad koi yeh kahe k mujeh likhna nahi ata..lekin mai yeh samjti hun k ap apni soch ko lafzo mai dhaal rahe hote ho...yeh meri aik choti si koshish hay..likha tou mene aur bhi hay lekin rules k mutabik aik din mai aik hi poetry share kerungi...