Azeezan-e-bazm

Assalam-o-alaekum!

aaj aap ki khidmet maiN aik ghazael pesh ker raha huN jo kuch arsa qabl kehi thi.
-------------------------------
lughat
---------
zel maiN apnay urdu say kem waqifiet rekhnay waalay saathioN kay liay kuch alfaaz aur terakeeb ki wazahet pesh ker raha huN jo meray khayal maiN wazahet taleb haiN.

shehr-e-aziz = piyara shehr yeni apna shehr

nigah-e-zeerak-o-bakhaber = yeni dekhnay ki woh ehliet jo bayek waqt zaheen bhi ho aur ilm bhi rekhti ho ( jab maqsed khaas ehwaal mulahiza ko kerna ho to yeh donoN khubiaN derkaar haiN wagerna ya to dekha hi nahiN aur ager dekha bhi to samjha hi nahiN waali kaifiet ho gi)

sarmed-e-muntazir = woh majzub jo deedar ka muntazir hay

sarosh = ilhaam ya ilhaami waardaat

aagahi ka nizaam = woh nizaam jis kay zariay insaan ilm kay zeenoN per aagay beRhta hay

rabt-e-tamam = tamam kainaat (jo kun fakaN kay nateejay per maarez-e-wajud main ayi) ko baham munsalik kerna ya un sab maiN rabita hona

jo ayaN nahiN usay 'la' kaha = yeni aam fehm zubaan maiN lashaoor ( woh sab ehwaal jo shaoor ki hadood say bahir haiN) yeni jissay aam insaani nigah dekh nah sakay

(shaoor aur lashaoor insaani ilm kay hasool ya aagahi kay do madarij haiN)

zamanah naam khuda ka hay = hazoor(saw) ki hadeeC hay keh zamanay ko bura met kaho kiukeh zamanah khuda hay

shola-e-tur = woh aag ya roshni jo hazret musa ko koh-e-tur per nazer ayi

تو صبا نہیں تو گھٹا نہیں ترا کس بنا پہ غرور ہے؟
تُو ہوائے شہرِ عزیز ہے ترا اک جدا ہی سرور ہے

اے نگاہِ زیرک و باخبر تو متاعِ سرمدِ منتظر
کہ کمالِ چشم و سروش سے کبھی ان دکھے کا ظہور ہے

جو کہ ہے حقیقتِ کن فکاں نہ ہی خواب وہ نہ خیال ہے
جو جہاں جہانِ خیال ہے وہ حقیقتوں سے تو دور ہے

ہے خدا کا جن پہ کرم انہیں کہاں بانکپن کی تلاش ہے
کوئی سادگی میں فلک شکن کوئی عاجزی میں غیور ہے

رہا منتظر تری راہ میں جہاں تھک گیا میں بکھر گیا
نہیں کر سکا ترا سامنا مری کم دلی کا قصور ہے

یہاں آدمی کی ہی آگہی کا نظام ربطِ تمام ہے
جو عیاں نہیں اسے لا کہا جو ہے دسترس میں شعور ہے

یہ شکائتیں ہیں تری غلط کہ زمانہ نام خدا کا ہے
نہ کلیم ہو تو ملے کسے وہی آج شعلہ طور ہے

یہ چمن خزاں کا شکار ہے نہ بہار ہے نہ خمار ہے
نہ گلوں کی شوخی میں رنگ ہیں نہ وہ نغمگیئِ طیور ہے


Wassalam

Sohail Malik

Attached Images

Tu saba nahiN.gif (30.1 KB, 5 views)

__________________