 Kuch to junuN kay tour tereeqay | |
Azeezan e bazm aadab!
aap ki khidmet maiN aik taza ghazal pesh kerta huN
apni qeemeti raey aur belaag tabseray say nawaziay
wassalam
Sohail Malik
کچھ تو جنوں کے طور طریقے سکھایئے
ترسا کے اور اب نہ ہمیں آزمایئے
اک لوٹنے کی آس پہ جینا ہے اب ہمیں
اتنا رہِ فراق میں نہ دور جایئے
آتش نگاہ ہو گیا دل کے طفیل میں
جل جائے نہ کہیں ذرا دامن بچایئے
رستہ طویل آپکا مہلت ملی ذرا
بیکار الجھنوں سے تو دامن چھڑایئے
میں جانتا ہوں ساری کہانی نہیں کہی
مجھ کو ہے اشتیاق سبھی کچھ بتایئے
ہر شے مرے معیار پہ پوری نہیں یہاں
جو دیکھنے کی شے ہے وہی تو دکھایئے
کھل جا درِ قفس کہ ترا وقت آ گیا
نکلیں تو سیر کو ذرا پہرہ ہٹایئے
ہم بھی رہے شکارِ صلیبِ نظر کبھی
ہم سے نہ آپ کوئی دریچہ چھپایئے
آئے خزاں کو شہر مرے مدتیں ہوئیں
کچھ فکر ہو کہ کسطرح گلشن سجائیے
اک خوبی جس پہ ناز رہا، میری سادگی
احباب کہہ گئے کہ اسے چھوڑ جائیے
فانی ہے بُت کدہءجہاں ایک ساز سے
لیکن اسے نہ وقت سے پہلے بجائیے
تقدیر روٹھ کر یہاں برباد کر گئی
اک مخمصہ ہے کس طرح اسکو منایئے
__________________ Sohail Malik
Last edited by sohailmalik64; 06-03-2007 at 12:28 PM.
|