2. Noor-ul-Sabah

Wah janab... buhat khoobsoorat ghazal kahi hay... iss meiN taghazzul bhi hay aur takhayyul bhi... majmoo'yee tor per alfaz bhi achay heiN aur khayalaat bhi....itni umda ghazal kehnay per buhat sari daad qabool kijiye.... ab hojaye thori tanqeeed...

Matlay k pehlay misray k ma'anay nahiN khul rahay... ya'ani uss nay jaaN maNgi thi hum khud ko fida ker deitay doosray hissay se wazeh hay k aap nay irada zahir kiya h ay laikin fida kiya nahiN... doosray misray mein hay baat aisi na thi jo uss ko khafa ker deitay iss se lagta hay k aap nay iraday per amal kerdiya...takay wo khafa na ho... donoN misroN meiN mutazad bateiN heiN... agar tarmeem ker k kuch aisa kerdiya jata to...

wo jo chahta to dil-o-jaan fida ker deitay
baat aisi nahiN k ussko khafa ker deitay?

Kuch kuch asha'ar meiN kuch bharti k alfaz lagay.... jo mehez wazan poora kernay k liye dal diye jatay heiN... unk baghar bhi matlab pooora ho jata hay... aisay alfaz se guraiz kerna hi maharat ka suboot hay...

Dosraay shair aur Maqtay ki to kia hi baat hay... khaas ker maqtay nay to hisaar meiN lay liya.. buhat khoobsoorat lgay ye donoN shair...

Majmoooyee tor per aap ki shayeri meiN buhat nikhaar dekhnay ko mila hay... behteri ki gunjayesh to her kisi ko hamesha hoti hay.... aur bhi mehnat kijiye .. .inshAllah aur bhi nikhar aye ga...

ab marking..

Behr aur wazan = 4
Andaz-i-bayaaN, takhayyul = 3.5
Total = 7.5


meri kisi baat ka bura laga ho to ma'zarat khaah hooN.. mehez Islah maqsood thi.. aap ka meri ara'a se muttafiq hona zaroori bhi nahiN...

__________________