Originally Posted by WanderingThoughts

dekheN Zeeshan bhai,

poetry to hy hi rhythm ka naam.... nasr aur nazm meiN yahi to faraq hy k nasr meiN jo khyaal aaya usy as it is likh diya... lekin poetry meiN kuch parameters haiN, jin ko follow kreN gy to hi alfaaz ka majmoa nazm kehla'ay ga...

aazad nazm maiN wazn ko follow kiya jata hy... kuch behreN aisi haiN jin meiN aik hi trha k arkaan bar bar aaty haiN, un behroN meiN aazad nazm kahi ja sakti hy... lehaza aazad nazm kehny k liay aap ko behroN se aur un k auzaan se waqifiat zuroori hy...

aur nasri nazm meiN sirf alfaaz k sauti bahao ko follow kiya jata hy.... (jo k aik bohat mushaqat talab kaam hy...) durust nasri nazm likhna abhi her kisi k bas ka kam nhi hy, is k liay aap ko alfaaz ka durust talafuz, adaigi, aur us k sauti pehuoN ko dekhna dekhna hota hy...

agerchy abhi adbi halqoN meiN "nasri nazm" aik mutanazia topic hy, lekin bohat se baRy shoara ne isy apny jazbat k izhar k liay istamal kiya hy....

ab aap khud hi decide kr leN k aap ne kis medium meiN nazm kahi hy.....