 Bojh | |
Hum chale the qafla lekar
kitne khab palko-n tale
kuchh ummidein kuchh jazbe wafa ke
sath kitni hi arzooein thin
itna saman-e safar phir bhi
kaisi subaksari thi
apne halke phulke wajud ko lekar
chalte kahan the
udte phirte the
is qafle ko raah main lutna tha
tumhein raasta badalna tha
aaj main is muqam per tanha
koi saman-e safar nahin
na koi khab
na tamanna na aarzoo
na hi ummid koi na justaju
konsa jazaba kaisi wafa
kuchh nahin kuchh bhi to nahin
koi saman-e safar nahin
PHIR BHI BOJH HAI KITNA! |