Originally Posted by sajidraheem

Assalamualaikum everyone..
I am new to this forum. Let me start with my very recent poem, Mujhay Insaan Matt Kehnaa.


MUJHAY INSAAN MATT KEHNAA


Agarr kuch naam dainaa ho

Mujhay Insaan Matt Kehnaa

Judaa chehray, judaa bay-shakk sabhi ke kaam hotay hai'n

Magar Insaaniyat ke abb yahaa'n per daam hotay hai'n

Mere Tum daam matt dainaa

Mujhay ye naam matt dainaa

Agarr kuchh naam dainaa ho

Mujhay Ehsaas keh dainaa

Magarr Thehro!

Mujhay Ehsaas Matt Kehnaa!

Mera buss naam reh jaay

Mujhay aisay nahi'n Rehna
a
Mujhay Ehsaas Matt Kehnaa

Agarr Kuchh naa dainaa ho

Mujhay saawan hee keh dainaa

Magarr Thehro!

Mujhay saawan nahi'n kehnaa

Barastaa hai, magarr rut ke badaltay beet jaata hai

Mujhay saawan nahi'n kehnaa

Agarr kuchh naam dainaa ho

Mujhay Aansoo hee keh dainaa

Janamm lainaa kisi ki aankh mai'n, rukhsaar per mernaa

Yaho jis ki haqeeqat hai

chalo aansoo hee keh dainaa

Magarr daikho!

Kisi ki aankh mai'n mujh ko kabhi aanay nahi'n dainaa

Ke qeematt aansuo'n ki abb adaa tum se nahi'n ho gee

Nahi'n tum yu'n nahi'n kehnaa

Mujhay Aansoo nahi'n kehnaa

Mujhay aankho'n mai'n bastaa ik hasee'n sapnaa hee kehj dainaa

Ke sapnay aankh mai'n taaro'n ki tarhaa jhilmilaatay hai'n

Magarr thehro!

Mujhay sapnaa nahi'n kehnaa

Ke Sapnay toot jaatay hai'n

Mujhay apnaa nahi'n kehnaa

Ke apnay rooth jaatay hai'n


Written By: Sajid Raheem Sheikh (sajidraheem@hotmail. com)