Quote:
|
Originally Posted by Shagufta Basit Wo aik baat jo tum nay kahi thi bas yoon hi
wo a ik baat jo ik baat thi
aur kuch bhi nahi
wo aik baat jo aanchal bigo gaii mera
wo aik baat jo lehja bujha gaii mera
wo aik baat jo tum nay kahi thi ujlat main
wo aik baat k jis ka na tha koi matlub
wo aik baat jisey keh k tum pashemaa.n they
wo aik baat jisey sun k main pareeshaa.n thi
ye hont chup they magar ashk behtey jatey they
barha k haath merey haath tum nay thamey they
aur sar ko laad sey seene pe apney taika tha
barey hi piyaar sey tum mujh sey phir ye boley they
ye aik baat tu main nay kahi thi bas yoon hi
ye aik baat k jis ka na koi matlub tha
ye aik baat jisey kar k main pashemaa.n hoon
ye aik baat tera dill dukha gaii hai na!!!!!!!!!!
barey hi piyaar sey seney pe terey sar rakh k
barey hi zabt sey sar ko nafi main junbish dii
barey hi laad sey phir tum sey main ye boli thi
"nahi nahi ab aisi bhi koi baat nahi"
magar
najaney dill sey ye kyu sada aaii
wo aik baat jo tum nay na gar kahi hoti
----------
Shagufta Basit
Feb 26,2006 |
Wah Wah Wah Shagufta aapi ... Kya khoobsurat nazam share kee hai aap ne ... Zindaabaad Aapii! :clap5
Qassim Mirza
:Qassim: