Originally Posted by Qismat Ka Sataya

Dosto ab jo maiN apni taazaa ghazal paiSH kerne jaa raha hooN woh maiN apnii pyaarii pyaarii Diya aapii k liay dedicate ker raha hooN ... Unkii aik nazam hai "kabhi mujhko manao tum" ... Iss nazam k unwaan kii zameen meN yeh chand shair kaheiN hai ... Umeed hai aap sab ko aur Diya aapii ko pasand aa'aygii yeh ghazal

Iss mauqe per yeh baat kehna bohot zaroorii hai ... ChhoTii beher meN ghazal kehna nihaayat muShkil kaam hai kyuN k aap k apnii baat puhnchaane k liay zyada alfaaz naheiN hote ... Kam se kam lafzoN meN baat ko mukammal kerna hota hai ... Yeh to aap pyaare dost hee bata sakte haiN k apne kaam meN kiss had tak kamyaab huvaa hooN maiN

mere paas youN aao tum
mujhay dil meN basaao tum

k firaaq hai naa.gavaar
mujhay youN na sataao tum

maiN GhamoN se niDhaal hooN
mere dard baTaao tum

jo maiN rooThooN agar sanam
"kabhi mujh ko manaao tum"

jo banay mirii yaadgaar
woh makaaN to banaao tum

mire dil meN lagii hai jo
wohii aag bujhaao tum

jo nazar naheiN saath day
mujhay raah dikhaao tum

yeh zamaane ne dukh diay
kya hai dukh yeh bataao tum

jisay sunkay sukooN milay
koi geet sunaao tum

Khaaksaar

Qassim Mirza :Qassim: