Aey Kash K Hum Tum Bhool Sakai.n
wo sab kuch jo beeta hum pe
in guzrey satra(17) saloo.n main
iqrar-o mohabbat ki baatai.n
wo tanhaaii ki kuch raatai.n
Aey kash k hum tum bhool sakai.n
wo jeevan saath bitaney ki
wo us ka saath nibhaney ki
wo sab qasmai.n wo sab waadey
Aey kash k hum tum bhool sakai.n
wo teri nazroo.n ki shid'dat
wo us k saansoo.n ki garmii
wo piyaar-o mohabbat ki ghaatai.n
Aey kash k hum tum bhool sakai.n
...........
Aey kash k hum tum bhool sakai.n
un guzreysatra saloo.n ko
per kaise hum bholai.n janaa.n
is dill k saarey chaloo.n ko
is tanhaai k jaloo.n ko
ehsaas-e ziyaa.n k bhaloo.n ko
Aey Kash k hum tum bhool sakai.n
Un guzrey satra saloo.n ko
-------------
Shagufta BasitMay 17th,2006.