~*~ ajab pagal sa larka hai~*~
Ajab pagal sa larka hai
Mujhe har khat mein likhta hai
Mujhe tum yaad karti ho ?mujhe bhoolo gi to nahi?
Meri ankhain satati hain
Mera lehja bulata hai
Meri neendain bhi kya tum ko
Shab bhar jagaati hain
Rim jhim mein ab bhi kya yunhi tum bheegti rehti ho
Koi khushboo ka jhonka kya,mera pegham lata hai
Kya ab bhi raat phar yunhi taaroon ko ginti ho
Tanha is chand sai janaan meri baatain bhi karti ho
Sahil sai ishq tumhara kaho waisa hi hai ab bhi
Yaan meri yaad mein ab janaan wahan ek naam likhti ho
Ajab pagal sa larka hai
Mujhe har khat mein likhta hai
Mujhe tum yaad karti ho ?mujhe bhoolo gi to nahi?
Jawab is ko mein kya ab doon
Mein yehi kehti rehti hoon
Meri masrufiat dekho
Mein har pal uljhi rehti hoon
Subha sai shaam hoti hai sirf kamoon mein hi meri
Phir duniya kai jhameloon nai
Barha di hai ab majboori
Mein benaam zanjeeroon mein khud ko qaid paati hoon
Kabhi lamhoon ko ginti hoon thora sukoon to mil jai
Mujhe fursat nahi milti khud sai bhi milnai ki
Na sonai ki khabar hai to na hi jaagtai rehnai ki
Haan sahil sai ye ishq mera suno ab bhi waisa hai
Fark hai gar to ye kai mein ab ja nahi paati
Tumhein kis nai kaha paglai!
Mein tumhein yaad karti hoon
Mein tumhein bhool jaoongi
Bhala khud ko bhula kar bhi
Kabhi Koi jee paya hai
Mein koshish karti rehti hoo
Tum itna yaad na ao
Tumhein pal bhar bhool hi jaoon
Magar kaisai ye kardoon mein
Meri sansain atakti hain
Meri ankhain barasti hain
Jo ye koshish karoon mein to
Meri yaadain tarasti hain
Meri har baat mein ab bhi tumhari baat rehti hai
Meri har shab mein ab bhi tumhari zaat rehti hai
Meri subha bhi hoti hai tumharai khayal sai saji
Mere lehjai mein ab bhi tumhari anch rehti hai
Tumhein kis nai kaha janaan mujhe tum atai ho
Kai yaad un ko hain kartai loog
Jinhain who bhool jatai hain
Ajab pagal sai larkai ho
Meri masrufiat dekho
Tumhein mein bhool jaoon to mujhe tum yaad ao na
Usai kaisai mein bhooloon jo mujh mein hi basta hai
Mere jeevan ki uljhan mein
Tumhari who ek hi jumla
Mujhe bhoolo gi to nahi
Meri chahat ki shiddat ko
Madham honai nahi daita
Mujhe sapnai dekhata hai ronai nahi daita
Shab bhar jagata hai mujhe sonai nahi daita
Tumhari ye baat ai janaan
Mujhe kitna tarpaati hai
Mujhe khud sai juda kar ke
Tumharai paas laati hai
Ajab pagal sa larka hai
Phir bhi
Ye sab jaan kar bhi woh
Mujhe har khat mein likhtai ho
Mujhe tum yaad karti ho ?mujhe bhoolo gi to nahi?