<!--QuoteBegin-kanwal+Sep 6 2003, 04:29 PM--></div><table border='0' align='center' width='95%' cellpadding='3' cellspacing='1'><tr> <td>QUOTE (kanwal @ Sep 6 2003, 04:29 PM)</td></tr><tr><td id='QUOTE'><!--QuoteEBegin--> Mujhe dariya nahi likhna mujhe sehra nahi likhna
Tasalsul se safar main hon mujhe thehra nahi likhna

Purane rabton ki rakhh ab tak dil main baqi he
Meri jalti hatheli par nia wada nahi likhna

Anna se jeet kar usko agar jo main ne khoya he
Mera noha nahi likhna mera naghma nahi likhna

Bisat-e-zindagi ki aakhri sarhad pe khadi hon
Mujhe fateh nahi likhna mujhe muhra nahi likhna

Tumhrai aankh main gar main kabhi chup chap jal joan
Tum apni aankhon main lekin mera sadma nahi likhna

Gawahi apne dil se lo tumhara dil kia kehta he
Mujhe jhota nahi likhna mujhe saccha nahi likhna

Main uski yad main gum hon ke apne aap main gum hon
Mujhe mehfil nahi likhna mujhe tanha nahi likhna

Main apne lafzon se shuhrat tumhain de jaongi ik din
Mujhe mash-hoor na karna mera charcha nahi likhna

Ye na ho tum kabhi usko mitana chaho…na mitte
Mujhe apna samjh lena magar apna nahi likhna

Meri aankhon main batain hain magar chehre pe gehri chup
Meri aankhain to likh dena mera chehra nahi likhna

Kahin aisa na meri kasak us dil main reh jae
Mera dukh dard likh dena magar gehra nahi likhna….!

JO SOCHON TO YOUN LAGTI HE TUMHARI HAR NAZAR BIJJLI
MERA DIL TOOR HOTA HE……..TERA JALWA NAHI LIKHNA…..!!!

BY; KANWAL SHAHAB AHMAD. @};- [/b][/quote]
Salaam Kanwal!

bhaee bohat khoob , kia khubsurat Ghazal
kahi hai, parh k waqaee lutf aagya (y)
bas aap ka yeh 2 misray kuch out feel ho raha hai,isay
aik baar aap zaroor daikhye ga

Bisat-e-zindagi ki aakhri sarhad pe khadi hon
Or
Ye na ho tum kabhi usko mitana chaho…na mitte

waisay majmooii tor pe aap ki ghazal bohat achhi hai
Keep writing
ummid hai aap bura nahi maanaingi

Take care n Allah haafiz

Soft voice /piano

__________________