Amawas raat mein taray Bay'khawb rehtay hain
Jo tum ko jeet kay haray bay'khawb rehtay hain

Jab kacha ghara koi beech majhdar doob jata hai
Darya kay paar kinaray Bay'Khawb rehtay hain

Taiz hawain chalti hain jab sawan ghir kay aata hai
Dar o divar ghar kay humaray Bay'khawb rehtay hain

Mousam e gul mein tu sab meethi need sotay hain
Par kuch kismat kay maray Bay'khwab rehtay hain

Kachi umaroon mein khawb jin kay toot jatay hain
Ban jaatay hain banjaray Bay'khawb rehtay hain