Salaam azeez doston,

Apni aik na'ee takhleeq k saath haazir ho raha hoon ... Laikin qabl is kay kay aap log meri ghazal perhain, main yeh bata dayna zaroori samajhta hoon k main tehra tifl e maktab to zaahir see baat hai k khaa'miyaan hongi ... Umeed kerta hoon yeh ghazal pasand aa'aygi, aap sab ki aara ka muntazir hoon @};-






Tera dar nahein manzoor jabeen saa’ee kay liay
Ham tayyar khaRay hain panja aazma’ee kay liay

Yeh saaf keh raha hoon dubara nahein kahoonga
Ab kisee aur ko dhoondo bay wafa’ee kay liay

Un kay tarz e intikhaab pay hamko hansi aa’ee
Chunee apni see mehfil hai khudsata’ee kay liay

Kia tazkira unka ho tum khud hi batao naa
Jo aa’datan rakhtay hain door judaee kay liay

Iss aik ghaRee kay liay taa’wun kero mujhse
Muntakhib kerain unwaan nohasara’ee kay liay

Qassim ne jo kehna tha iss ghazal main kehdala
Duniya kee zaroorat kiya pazeera’ee kay liay

Qassim Mirza Ali @};-
Toronto, Canada

__________________