Aah k darmiyaan sey nikla
main bhi kis imtahaan sey nikla

phir hawa sey sulag uthey pattey
phir dhuwaa.n gulsitaan sey nikla

jab bhi nikla sitara_e ummeed
kuh'r k darmiyaan sey nikla

chandni jhankti hay galiyoo.n main
koi saya makaan sey nikla

aik shola, phir ik dhwain ki lakeer
aur kiya khaak-daan sey nikla

chand jis aasman main doba
kab usi aasman sey nikla

ye guhar jis ko aaftab kahain
kahee.n undherey ki kaan sey nikla

shuk'r hay us nay be-wafaai ki
main karey imtahaan sey nikla

loug dushman hoey usi k Shakeb
kaam jis meherbaan sey nikal