Urdu Poetry Forum

**naz** · #1 03-19-2006, 07:24 PM

Khizaa.n ka awakhir tha.... sardi kisi tund mund sey darakht ki o'tt sey chup chup dekh rahi thi.... zameen taraptey... sisaktey.. .. akhiri saansai.n letey burg hi sad-rang ki lapait main thi... ajab yasiyat bhara mahool tha.... jaise udaasi ka sor phonka ja chuka ho... har cheez be-sabat maloom ho rahi thi ... humari tarha be-sabaat

zameen per bikhrey zard patteyqadmoo.n taley kuchley janey per sadaa-e ehtajaaj buland kartey .... per juld hi apni akhiri saans letey aur khamosh ho jatey..... akhiri saansai.n......humar ey talouq ki tarha akhiri saansai.n.......

us shaam taweel-ter rafaqat sey thak kar aur rafaqat k unjaam pe hairaan-o pareshaa.n kitni hi dair main khud ko takti rahi ... aur khud sey aankhai.n kya milee.n ... manzar hi dhundhla gaya..........

us shaam aisa lagta tha k tamaam mousam thak kar so gai hain .. sirf aik hi mousam taweel. taweellllllllllllll .... taweel-ter hota chala gaya........us shaam apney dukh ka bojh chand k seeney per dharne ko betaab main us ki khojh main nikli tu wo bhi na mila....... shaid chand bhi sardi sey thithar k mar gaya tha...............

aaj phir wohi manoos si shaam aangan main utri hai . khizaa.n raseeda..... ghum-zada si shaam ........ aur aaj phir wohi rafeeq ..........saath ki tamanna hatheli per dharey khara hai .... in palkoo.n ki jhalar per sitarey tankney wala aaj khwaab seenchney pe ba-zid hai ...... per kaise kahoo.n k ab ye aankhain khaali pinjrey hain.. sab khwaab aazad they............... azaad ho gai.......ab in main kuch nahi .. na aab .............na aab-o taab

meri aankhain

khaali pinjrey

choreye

in main kya rakha hai
------------------------------

Shagufta Basit
March,06.

**$@GH@R** · #2 03-27-2006, 07:06 PM

V.NICE WORK DEAR

Urdu Poetry Forum

KhaaLi Pinjrey...!

KhaaLi Pinjrey...!