As'salam O Alaikum, ye ghazal Basit nay likhi thi arsa pehley ... isi pe chand sher aise hi likh daley hain ... aap isey mushtarika ghazal keh saktey hain


mehwar sey hatna gawara nahi hai
milna ab tum sey dobara nahi hai

jhuk jain ya un k qadmoo.n parain hum
chalan ye kisi tour humara nahi hai

Tum apni eenayat sanbhaley hi rakho
dum-e akhir shouq-e sahara nahi hai

tumanna tu hum nay bhi sahil ki kee thi
magar qismatoo.n main kinara nahi hai

dhondha tamam um'r mil k nahi diya
aasman pe merey naam ka tara nahi hai
-------------
Basit Habib

dill k phapholey ko nishter chobo dain
faqat is k koi bhi chara nahi hai

qasam hai Khuda ki bohat tum hasee.n ho
haqeeqat hai ye ista'ara nahi hai

usey dekh loon main kisi sang hanstey
merey dill ko itna bhi yara nahi hai

hijr ki chokhat pe dill bethey bethey
khudi mar gaya main nay mara nahi hai

kaha us nay mujh sey tha dill ki ye babat
ye saarey ka sara tumhara nahi hai

Suno Larkiyoo tum zara door rehna
ye shohar hai mera kunwara nahi hai

-------------
Shagufta Basit

__________________